Дуурь, бүжгийн эрдмийн театрын гоцлол дуучин Б.Батжаргал Казахстаны Астана хотноо болсон Бибигуль Тулегеновагийн нэрэмжит дуурийн дуулаачдын олон улсын уралдаанаас гранпри шагнал хүртжээ. Бибигуль Тулегенова бол Казахстаны алдарт дуучин юм. Түүний нэрэмжит ес дэх удаагийн уралдаан есдүгээр сарын 10-нд болжээ.
Соёлын тэргүүний ажилтан Б.Батжаргал мөн энэ онд “BBC Cardiff Singer of the World-2017” дуурийн дуучдын уралдаанд Монголын тенор хоолойнуудын анхдагч болж оролцон, шилдэг 20 залуу дуучны нэгээр шалгарсан юм.
