Монголын кино урлагийн салбарыг авъяас чадвараараа өнгөлж яваа жүжигчдийн дунд МУСТА Э.Мөнхтөр зүй ёсоор багтдаг. Тэрээр олон бүсгүйчүүдтэй хайр дурлалын жиг жуг асуудал үүсгэсэн дүрүүдийг бүтээдэг. Энэ удаад үлэмж биетэн хочит түүний портнёр нь жүжигчин, МУСТА Б.Хулан юм байна.
Романтик, инээдмийн кинонд тэд хамтран тоглосон бөгөөд монгол жүжигчдийг өгөгдсөн нөхцлөөсөө шалтгаалаад дүр хувиргалтандаа хангалттай сайн ажиллаж чаддаггүй гэж ярилцдаг. Харин жүжигчин Э.Мөнхтөр өмнөх бүтээсэн дүрүүдээ эвдэж энэ удаад цоо шинэ дүр төрхтэйгээр үзэгчидтэйгээ уулзаж байна.
“Тэгт тойрог” кино компани, “We film”, “Нүүдэлчний домог” телестудийн хамтын бүтээл “Шинэ жил” кино 12-р сарын 8-наас эхлэн бүх кино театруудаар гарч байна. Киноны үйл явдлаас товчхон сийрүүлбэл шинэ жилийн үдэшлэгт хэт баярласан Зоригоо нэгэн нууцлаг өвгөнтэй тааралдсанаар маргааш өглөө нь үл таних эмэгтэйн гэрт сэрнэ. Ингээд 30 гарсан ч гэрлэж амжаагүй гоонь эр маань өөрөө ч мэдэлгүй будлианы гол дүр болон хувирдаг. Зоригоод юу тохиолдох бол, цааш үйл явдал хэрхэхийг киноны үйл явдлаас сонирхоорой.
