"Мисс Монголиа 2018" тэмцээний Дэд Миссээр тодорч "Miss Asia Pacific International 2018" буюу Ази, Номхон далайн олон улсын миссийн тэмцээнд оролцох эрхийн эзэн болсноор тус тэмцээнд эх орноо төлөөлөн оролцсон Н.Мишээлт бахдам амжилт гаргаж гуравдугаар байрт оржээ. Тус тэмцээний тэргүүн титмийг Филиппины мисс Шарифа Акеел хүртсэн бол нэгдүгээр байрт Бразилийн мисс Габриела Палма, хоёрт, Коста-Рикагийн мисс Жессика Мелания Гонзалес тус тус оржээ.
Мисс Н.Мишээлт нь 2016 онд "Манжуурын мисс" тэмцээний Тэргүүн байр, 2018 онд "Мисс Монголиа" тэмцээний Дэд миссээр тодорч салбартаа нэрээ дансалж эхлэсэн бөгөөд 19 настай, 180 см-ийн өндөртэй, МУИС-ийн Хүмүүнлэгийн ухааны салбарын 2-р курсын оюутан, усан спортын тамирчин юм.
