Эмоушн”-ы экс гишүүн дуучин Сэрчмаа хамтлагийнхаа продюссер Чинбатад голдоо ортол гомдсондоо шаралхан бие даан уран бүтээлээ хийж эхэлсэн нь өнөөдрийн өндөрлөгт хүрэх гараа нь болсон хэмээн тэрээр дурссан байдаг.
Нялх од, хайрын дууч, ширээний хүүхэн гээд элдвээр чичлүүлж байсан ч тэрээр турьхан биедээ баймгүй зориг гарган энэ бүхнийг даван туулсан.
Энэ оны хамгийн эхний дуулианыг тарьж, өвөрлөгч эртэй дэр нэгтгэсэн Сэрчмаа тун удахгүй шинэ хүнээ хүлээж авах гэж байгаа. Гэсэн ч уран бүтээлээ орхисонгүй, саяхан хятад хэл дээр дуулсан 13 дуу бүхий CD гарган урд хөршид өөрийгөө таниулж эхлээд байна.
Түүнийг анх урд зүгийн хүнтэй гэр бүл болоход нь сайн муу олон янзын яриа гарч байсны дийлэнх нь “Хөрөнгө харж суусан” гэх утгатай байсан билээ. Хэдий дуучин бүсгүй энэ мэт яриаг үгүйсгэн хайр сэтгэлээ дагасан хэмээж байсан ч саяхан өөрийнхөө үгээс буцаж олны үг ортой байдгийг баталж өгөв.
Тэрээр нэгэн ярилцлагадаа сэтгүүлчийн асуултад бүдэрч “Сая доллартай байсан бол хүнтэй суух хэрэг байхгүй” хэмээн ам алдсан нь ийн харь эрийн өврийг дулаацуулах болсны тайлал болов. Өвөрлөгч эртэй гэрлэж, тун удахгүй үрийн зулай үнэрлэх гэж буй дуучин С.Сэрчмаа сая ам.доллар өвөртөлсөн тухай шуугиж байна. Ар Монголын алдарт дуучныг уургалсан нөхөр нь ямартай ч хуримын инж болгож хадгаламжинд нь сая ам.доллар хийж өглөө.
Нөхрийнхөө дэмжлэгтэйгээр Хятадаар чөлөөтэй ойлголцох болсон дуучин бүсгүй саяхан Монголд ирж 70 мянган ам.доллараар баячуудын хамгийн итгэлт унаа болох “Range Rover” худалдаж авчээ. Хэрэв энэ байдлаар үрээд байвал сая доллар нь тун удахгүй дуусч модоо барих вий хэмээн С.Сэрчмаагийн ах дүү нар шивэр авир хийцгээж байна.
Зөв харж инээж, буруу харж уйлж өгсөн сая ам.додлар дуусахын цагт С.Сэрчмаа төрсөн нутгаа санаад ирэх байлгүй хэмээн өвөрлөгч эртэй суусанд нь дургүйлхэх залуустай ч таарав С.Сэрчмаа нэг сая ам.доллар өвөртөлжээ
