“Нийтийн дууны ханхүү” хэмээн нэг хэсэг өргөмжлөгдөж явсан энэ эр өдгөө үндсэрхэг үзлээрээ бамбай хийж, нийтийн өмнө шоудах болсон. Орчин цагийн соёлыг халж, Хүннү амьдралдаа эргэж орохыг уриалан байгаа дуучин залуугаас нэгэн сэтгүүлч “Та од мөн үү” гэж асуулаа. Хариуд нь тэрбээр “Тэнгэрийн оддын дэргэд би од биш. Харин эх орондоо бас гэртээ гэрэлтэж байгаа гэдэг утгаараа жижигхээн од байж мэдэх юм. Дээд тэнгэртэйгээ холбоотой Монгол хүн болохоор би гэрэлтэ ж амьдрах ёстой” гэж ирээд л баахан гайхуулав. Харин ирэх оны сонгуульд нэр дэвших тухайгаа илтэд зарлаж буй С.Жавхлан тулганы гал бадраах ёслолын арга хэмжээг арай өөр байдлаар үргэлжлүүлнэ гэлээ. Үнэндээ мань эр хөдөөгүүр аялж явахдаа мөнөөх тулгаа зараад оронд нь хямд үнэтэй, хулхи тулга чирсэн гэдгийг хамт аялсан уран бүтээлчид нь хэлдэг юм билээ.
Р.ЕСҮЙ
