Гранж рок “Нисванис” хамтлаг бүрэлдэхүүндээ өөрчлөлт оруулж, шинэ уран бүтээлдээ ирэх намраас орохоор төлөвлөөд байна. Гэтэл саяхан тус хамтлагийн ахлагч Л.Энх-Амгалангийн бие гэнэт муудаж гэрээсээ эмнэлэгт хүргэгджээ. Түүний бие яагаад муудаж аль эмнэлэгт хэвтсэн талаар найз нөхөд нь болоод фэнүүд нь гэр бүлийнхнээс нь асуусан хэдий ч бүгдийг нууцлахаар шийджээ.
Энэ талаар эрхэм рокер “Сүртэй юм биш ээ. Тэгээд ч эмнэлгийн дотоод журам зөрчүүлж, олон хүнээр эргүүлж, сүр дуулиан болгох хэрэг алга. Биеэ жаахан тэнхрүүлж амрах зорилгоор хэвтэж байна” хэмээн ярьжээ.
Амгаа зөвхөн хамтлагтаа зориулж уран бүтээл хийдэг бус шинэ залуу одод болохын хүслэн болсон дуучидтай хамтран ажиллаж, тэдэнд зориулж эмнэлэгт хэвтэнгээ ганц хоёр дуу зохиосон шиг амарч байгаа гэнэ.
Ч.Отгоо
