Улсын наадмаар энгэрээ цоолж гавьяатын тэмдэг зүүсэн Ж.Алтааг фенүүд нь ахмад дуучин боллоо хэмээн ам уралдан ярьж байна. Хийсэн бүтээснээрээ Б.Сараа, Т.Ариунаагийн зиндаанд хүрэхгүй ч гэлээ Монголын рок попын хөгжлийг энэ цаг үед авч явахад Pro Sound студиэрээ дамжуулан шинэ залуу уран бүтээлчдийг 100 хувь дэмжиж байгаад нь Соёлын яамгүй манай улс хувь уран бүтээлчдээ гавьяат зэргийн тэмдгээр урамшуулахаас ч өөр яахав дээ.
Урлаг соёлоо хаячихсан манай улсын хувьд урлагт хайртай хэдхэн хүний бор зүрхээр явдаг ийм тогтолцоотой байхад Монголыг яаж дэлхийд сурталчлах нь ойлгомжгүй байгаад “Саарал ордноос” Ж.Алтааг гарч ирэхийг хүлээж байсан ахмад уран бүтээлчид халаглаж зогслоо. Үзэгч сонсогч фенүүддээ эрхэм дуучин маань гавьяат авмагцаа “Та нартаа зориулж сайхан тоглолтыг энэ жилдээ тавина” хэмээн нэг ёсны сэтгэлийн өрөнд орсон Ж.Алтаа урлаг соёлынхны хүрээнд гавьяатаа угаах бас нэгэн өртэй шаналж явна.
