Монголын орчин үеийн хөгжмийн урлаг, Монголын залууст реп,техно урсгалыг анх мэдрүүлж байсан “Хар сарнай” хамтлагийн дуучин Маадай олон бүсгүйчүүдтэй нэр холбогдож, нэг хэсэг шуугиулж явсан. Тэрбээр Ануцэнд гэх даруухан бүсгүйтэй учирснаар элдэв дурлалын ромастаа цэг тавьсан билээ. Өмнөх амьдралаасаа хоёр ч хүүхэдтэй тэрээр удахгүй гурав дахь үрийнхээ зулайг үнэрлэх бөгөөд гэргий Ануцэнд нь ирэх есөн сард амаржина. Дуучин залууг уул уурхайн бизнес эрхэлж байгаа гэж цуурч байсан ч тэрээр урлагтаа ойр байж, хувийн студи байгуулан залуу уран бүтээлчдээ дэмжин ажиллахын зэрэгцээ биенесээ өргөжүүлэн мэргэжлийн түвшний дугаралттай, дээд зэрэглэлийн караоке лоунж нээн ажиллуулж байгаа гэнэ. Мэдээж бизнес эрхэлж байгаа хүн бусдаас өөрөөр сэтгэж байж л амжилт олох нь тодорхой. Дуучин Маадай эхнэртэйгээ хамтран төсөл төлөвлөгөө боловсруулж, Монголд байхгүй караоке лоунжийг бий болгосон гэнэ. Өрөө болгондоо төгөлдөр хууртай, сүүлийн үеийн техник текнологиор бүрэн тоноглогдсон караоке нь эзэндээ багагүй ашгийг өгөөд байгаа төдийгүй олон хүний таашаалд нийцсэн байна.
Г. Чимка
