Дуурь бүжгийн эрдмийн театрын гоцлол дуучин Д.Долгормаа ОХУ-ын Буриад улсын ардын жүжигчин болжээ. Тэрбээр хоёр жилд нэг удаа зохиодог “Алтаргана” наадмын шүүгчээр найд дахь удаагаа ажилласан юм. Дорнод нутгийн уугуул түүнийг буриад зоны урлаг, соёлын өв хөгжилд үнэтэй хувь нэмэр оруулсныг үнэлэн өнгөрсөн сарын 20-23-нд Чита мужид болсон “Алтаргана-2012” наадмын үеэр эл шагналыг олгосон байна. Тэрбээр өмнө нь 2006 онд Буриад улсын гавьяат жүжигчин цол хүртсэн юм. Түүнчлэн Д.Долгормаа тун удахгүй “Алтаргана” наадмын үеэр олны хүртээл болгосон дуунуудыг түүвэрлэн, ном гаргахаар зэхжээ. 50-60 дуутай шинэ товхимол нь буриад дууг хойч үедээ өвлүүлэхэд хувь нэмэр болно хэмээн тэрбээр ярьжээ.
Д.Ундрах
