Оддын амьдрал

Г.Эрдэнэтунгалаг шинэхэн хайртдаа зориулж дуулжээ

Урлаг13/08/2012Сэтгэгдэл байхгүй1 минут уншина

index4169133872012-08-13-12-19[www.urlag.mn].jpg

Нийтийн дууны ертөнцөд хөдөлмөрч, хүчтэй хоолойтой гэдгээрээ дуучин Г.Эрдэнэтунгалаг ялгардаг. Тэрээр бөх залууд дурлаж, охиныг нь төрүүлсэн ч улсын начин Сэр-Од өөр бүсгүйтэй хуримлаж, дуучин бүсгүйн сэтгэлд харуулсал үлдээн одсон гэдэг. Энэхүү гэгээн сайхан хайраа дурсан дуучин Г.Эрдэнэтунгалаг "Хайрлаарай" хэмээх сайхан дууг амилуулж, олны хүртээл болгосон билээ. "Хайрлаарай" хэмээх дууг сонсохоор сэтгэл гэгэлздэг гэж олон хүн ярьдаг. Магадгүй дуучин нь сэтгэлээ шингээн дуулсан болохоор илүүтэй ч сонсголонтой болсон байж мэднэ.

Шулуухан зантай, авьяаслаг дуучин бүсгүй охиноо өсгөн хэдэн жил ганц бие явсан бол өнгөрсөн жилээс шинэ хайртайгаа учирчээ. Түүний сэтгэлт залуу нь Улсын гарьд П.Сүхбатын төрсөн дүү гэх юм билээ. Дуучин бүсгүй нэгэн ярилцлагадаа “Би сайхан хайртайгаа учирсан. Түүнийхээ хүчээр амьдралдаа дахин шинэ хуудас нээж чадсан” хэмээн ярьжээ. Тэрээр удаж удаж чанартай бүтээл хийдэг нэгэн. Сүүлийн гурван жил шинэ бүтээл дорвитой хийгээгүй. Харин Хөгжмийн зохиолч Р.Билэгтийн “Тэнгэрлэг эрчүүд” дууг амилуулж, олны хүртээл болгосон. Энэ дууг дуулахдаа сэтгэлдээ шинэхэн учирсан дурлалт залуугаа бодон дуулсан гэнэ лээ. Энэ дууг найз залуудаа зориулсан гэдгээ ч нууцалдаггүй.

Урлаг

Сэтгэгдэл хаалттай