Богино хэмжээний киногоор үзэгчидтэй танил болсон найруулагч Б.Чингүүн шинэ уран бүтээлийн ажилдаа ороод тун завгүй байгаа аж. Энэхүү бүтээл нь бүрэн хэмжээний уран сайхны кино бөгөөд энэ төрөлд нэлээд гаршиж байгаагийн илрэл биз.
Тэрбээр Монгол Японы хооронд дипломат харилцаа тогтоосны 40 жилийн ойд зориулж бодит амьдралаас сэдэвлэсэн кино хийж байгаагаар онцлог. Киноны найруулгыг Япон найруулагч гардаж хийж байгаа бол Б.Чингүүн продюсерээр ажиллаж, ирэх намар Монгол, Японд зэрэг нээлтээ хийхээр төлөвлөж байгаа аж. Зураг авалт нь дөрвөн улирал дамжин хийгдэхийн зэрэгцээ Монголд Японоос бэйсболын багшаар ажиллахаар ирсэн нэгэн япон залуугийн хайрын түүхээс сэдэвлэжээ.
Уг кино нь япон залуу, монгол бүсгүй хоёрын хайрын түүхээр бүтэж байгаа ч гол дүрийн баатрууд одоо Японд амьдарч байгаа юм байна. Сонирхолтой нь киноны гол дүрд Японы сүмогийн их аварга Ёкозуна М.Даваажаргал тоглох гэнэ.
Б.БӨРТЭ
