1970, 1980-аад оны Монголын эстрад урлагт түүх болон мөнхөрсөн дуучин Баяр агсны хүү Б.Хонгор “MCS” группын харьяа "Skyresort" цанийн баазын захирал н.Батсуурийн охин Б.Анартай энэ сарын 15-нд буюу маргааш нижгэр хурим хийнэ
Энэ талаар ойрын эх сурвалжаас тодруулахад “Б.Хонгор, Б.Анар нар сүүлийн хэдэн жил дотно үерхсэн бөгөөд “MCS” группын харьяа "Skyresort" цанийн баазын захирал н.Батсуурийн охин Б.Анартай маргааш албан ёсоор гэрлэнэ.
Дуучин Б.Хонгорын хувьд 2004 онд Отгонтэнгэр их сургуулийг Эрх зүйч мэргэжлээр төгсөөд үргэлжлүүлэн БНХАУ-ын магистрт суралцан, боловсролоо дээшлүүлсэн нэгэн. Үүнийхээ хажуугаар "Фучеэр холдинг" компанитай уран бүтээлийн хамтын ажиллагаа үүсгэн хэд хэдэн цомог гаргаж, маркетингийн хэлтэст нь ажиллаж байсан ажээ. Өдгөө тэрээр өөрийн гэсэн бизнесээ эхлүүлсэн сурагтай.
Харин түүний сүйт бүсгүй гэргий Б.Анарын хувьд гадаадад бизнесийн удирдлагаар өндөр боловсрол эзэмшсэн, даруухан бүсгүй байдаг аж.
Тэдний хурим маргааш 17:00 цагт "Sky resort"-д болно
Б.Дэжид
