Өөрийгөө хамгийн баян эмэгтэй болно хэмээн тодорхойлдог дуучин Т.Баясгалан "Баясгалантай дэлхий" эмэгтэйчүүдийн төрөх эмнэлэгтэй, "Эх орон" телевизийн төлөөлөн удирдах зөвлөлийн гишүүн, "Зиндаа" сониныг худалдан авсан бөгөөд Хүүхдийн ертөнц хөгжлийн төлөө нэртэй ТББ байгуулжээ. Мөн арав гаруй компанийн хувьцаа эзэмшдэг нөхөр нь дуучин гэргийдээ олон зуун саяын үнэтэй зочид буудал, эмэгтэйчүүдийн эмнэлэг бэлэглэж байсан гэдэг.
Энэ магадгүй түүнийг Монголын хамгийн баян эмэгтэй мэт харагдуулж байж болох л юм. Түүний нөхөр Кёкшюүзан Д.Батбаяр өдгөө УИХ-ын биш ч гэлээ Төрийн ордонд өрөө хөлслөн суух сонирхолтой юм шиг ээ. Төрийн ордоноос салж чадахаа байсан нөхрөө дуучин Т.Баясгалан ажилд нь хүргэж өгч байгаа харагддаг.
Дуучин Т.Баясгалан хослон дуулж, урлагийн ертөнцөд хөл тавьсан ч хайр сэтгэлийн асуудлаасаа болж, тус тусын замаа хөөсөн дуучин С.Жавхлантай 2008 оны есдүгээр сарын 17-ны өдөр хуримаа хийсэн гэсэн шум байдаг. Жирийн дуучин эрээс баян чинээлэг эртэй амьдралаа холбосон тэрбээр аргагүй л хийморьтой нэгэн гэлтэй.
С.МАРАЛ
