Поп хатагтай Сараа, эрос хатагтай Ариунаа, Поп дива дуучин С.Алтаа, Наран нарын араас тэс өөрөөр дуулж, үзэсгэлэн гоо бие галбираараа олны анхаарлыг татсан дуучин Р.Лхамаа сүүлийн үед хотын шөнийн уушийн газруудад амьд хөгжмийн хамтлагуудтай дуулах болсон нь олны анхаарлыг татаж эхэллээ.
Баттай эх сурвалжийн мэдээлснээр бол тэрээр Арабын нэгдсэн Эмиратад хоёр жил амьдарч байгаад ирсэн аж. Тэрээр Монгол нутагтаа хөл тавьмагц нэгэн найзынхаа урилгаар үдшийн арга хэмжээнд дуулсан нь олны анхаарлыг татаж олон дахин дахиулж, нэг ёсны Лхамаагийн үдэш болсонд ихэд урамшин дахин дуулж эхлэх санаа төрж, хуучны “Харш” хамтлагийн хөгжимчидтэй хамт Улаанбаатар хотын томоохон баар, ресторантай гэрээ хийж дуулж эхэлжээ. Үүгээр ч зогсохгүй ирэх сард өндөр такстай, тодорхой хүмүүсийн хүрээнд хийгдэх бие даасан тоглолтынхоо бэлтгэл ажилд ороод буй сурагтай.
Д.Ганаа
