Нюанс” Улаан-Үд рүү хөлгийн жолоо дахин заллаа

Нюанс” хамтлагийнхан энэ жилийг хойд хөршид өнгөрөөсөн гэхэд хилсдэхгүй. Тэд өмнө нь СССР-ийн Ардын жүжигчин, Буриадын АЖ К.И.Базарсадаевын Соёлын фондны урилга болоод Улаан-Үд хотын үзэгчдийн хүсэлтээр чамгүй олон тоглолт хийсэн юм.
Энэ удаагийнх нь тус хамтлагийн ОХУ руу хөлгийн жолоо залсан энэ жилийн тав дахь аялан тоглолт болж байгаагаараа онцлог аж.
“Нюанс” хамтлагийн уран бүтээлийн цөм болсон сонгодог болон попера дуунуудыг ОХУ-ын үзэгчид өндрөөр хүлээн авч, “Монголын хамтлаг дуучдаас анх удаа сонгодог болон попера тоглолтыг бүрэн хэмжээгээр хилийн чанадад толилууллаа“ гэх зэрэг мэдээ, мэдээлэл тус хотын сонин хэвлэлүүд, сайтуудад нийтлэгдэж байсан билээ.
Харин энэ удаад “Нюанс” хамтлагийнхан Улаан-Үүд хотын Буриадын Үндэсний Телерадио Компани “Бурятия” телевизийн хүсэлтээр “В Кругу друзей” /”Нөхдийн хүрээлэлд”/ шинэ жилийн баярын нэвтрүүлэгт уригдан оролцохоор болжээ. Энэхүү нэвтрүүлэг нь Оросын “Россия-1”, мөн “Россия-24” сувгуудаар шинэ жилийн өмнө цацагдах юм байна.
Тус хамтлагийнхан 12 сарын 11-нд эх орондоо эргэн ирээд шинэ жилийн баярыг тохиолдуулан олон сайхан уран бүтээлээ монголынхоо үзэгчдэд хүргэхээр төлөвлөөд байгаа ажээ.