Үзэгчдийн дунд удаан хүлээлт үүсгэсэн “Ану хатан” уран сайхны кино энэ сарын 18-нд нээлтээ хийхээр болжээ. Энэхүү кинонд нийт 50 гаруй гол болон туслах дүр оролцсоноос Ану хатанд “Voice” группийн дуучин Д.Отгонжаргал, Галданбошгот хаанд дуучин М.Мягмар нар тогложээ. Хэдхэн хоногийн дараа нээлтээ хийх уг киноны улаан хивсний ёслолд Стивен Сигаль тэргүүтэй Холливүүдийн уран бүтээлчид оролцох юм байна.
Энэ нь дэлхийн алдартнууд монголын уран бүтээлчдийг анхаарч эхэлснийг гэрчлэхээс гадна Монгол киноны хөгжил нэлээд хэдэн шатаар ахиж байгаагийн илрэл юм. Дашрамд дурьдахад, нэгдүгээр сарын 18-нд зохиолч Б.Шүүдэрцэцэгийн төрсөн өдөр учир тэрбээр нээлтээ эл өдөр хийхээр товложээ.
