Монголын рок, попын домог болоод байгаа “Харанга” хамтлагийн дуучин Хатанбаатарын Лхагвасүрэн уран бүтээл, амьдралын зам нь бартаа саад ихтэй байсан ч сэтгэл зүрхнээсээ гаргах аялгуу дуугаараа ард түмнээ уяраан баясгаж яваад нь монголчууд нэн их хайртай болжээ. Олон түмний өмнө илхэн амьдарч буй тэрбээр өөрийнхөө үзэл бодол, байр сууриа хэнээс ч эмээлгүй илэрхийлдэг бөгөөд түүндээ ч үнэнч гэдгээ олон нийтийн мэдээллийн хэрэгслээр байнга ярьж, хэлж явдаг нэгэн.
Түүний цээжин дотроо хүндэлж явдаг улс төрчийн нэг бол яахын аргагүй экс Ерөнхийлөгч Намбарын Энхбаяр аж. Улс төрийн ээдрээтэй энэ цаг үед экс Ерөнхийлөгчөөс тойрон хүрээлэгчид нь нүүр буруулж, урвасан явдал монголчуудын хамгийн муухай зангийн нэг гэдгийг УИХ-ын гишүүн, Засгийн газрын гишүүн Х.Баттулгаас эхлээд олон хүн дүгнэж хэлсэн бол эрхэм дуучин Х.Лхагвасүрэн Н.Энхбаярыг мэдлэг боловсрол, соён гэгээрүүлэгч, дэлхийд танигдсан гэдгээр нь машид хүндэлдгээ найз нөхөддөө хуучлах дуртай гэнэ.
Эх сурвалж www.wikimon.mn
