Монголын ардын язгуур урлагийн нэрийг дэлхийн олон улс орнуудаар олонтаа дуурсгаж яваа "Домог" хамтлагийн морин хуурч МУСТА "Д.Шинэцог-Гени" Төгөлдөр хуурч, хөгжмийн зохиолч Б.Чинбат, Төрийн соёрхолт Б.Мөнхболд, Хөгжмийн найруулагч Б.Алтанхуяг, Д.Мөнхзаяа нарын шилдэг хөгжмийн бүтээлүүдээс "Өнөмөнхлэй" хэмээх яруу тансаг хуурын аялгуунуудаас бүрдсэн шинэ цомгоо өлгийдөн авжээ.
Түүнчлэн шинэ цомогтоо орсон төрийн соёрхолт Б.Мөнхболдын "Галдан бошгот" синфони сюитийн хэсгээс "Ану хатан" аялгууг болон Төгөлдөр хуурч, хөгжмийн зохиолч Б.Чинбатын "Аравт" түүхэн уран сайхны киноны "Хөхтөмөр Өнөмөнхлэй" хэмээх аялгуунуудаа клипжүүлсэнээ дэлхийн өнцөг булан бүрт байгаа үнэнч фенүүддээ болон монгол түмэндээ толилуулсан бөгөөд тун удахгүй шинэ цомгоо дэлхий даяар нэгэн зэрэг худалдаанд гаргах гэнэ.
Дашрамд дуулгахад түүний анхны цомог "Миний зүрхний аялгуу" хэмээх нэртэй мэргэжлийн болон сонгодог хөгжмийн бүтээлүүдээс бүрдсэн байсан бөгөөд тус цомгоороо нэрийдсэн тоглолтоо ОХУ-ын Буриад улсын нийслэл Улан-Удэ хотод болон Монгол Улсын Филармоны тайзнаа үзэгч түмэндээ толилуулж байжээ.
Ингээд та бүхэндээ "Өнөмөнхлэй" хэмээх шинэ цомгийн бүтээлүүдээс толилуулж байна
Таныг урлагийн тэнгэр ивээг…
www.URLAG.mn
