Хөөрхөн алаг нүд, галбирлаг биеэрээ “Маск” продакшны өнгө төрх, нүүр царай болсноор ирсэн жүжигчин А.Гэрэлцэцэг хадмын хаяа түшлээ.Тэрбээр авьяас чадвараар олноос онцгойрдоггүй ч ард түмний мисс Д.Ариунцэцэгтэй ихэр мэт төрхөөрөө олны анхаарал, эрчүүдийн харааг татсаар ирсэн. Гэрэлээ өнгөрсөн жил л гэхэд их аварга Д.Давгадоржтой брэнд дэлгүүр хэсэж, голыг нь горойтол “шатаасан” хэмээх ярианд өртөөд амжсан. Тэгвэл жүжигчин бүсгүй удахгүй хуримаа хийхээр гоёлын даашинзны эрэлд гарсан сурагтай. Түүний ойрын эх сурвалжийн мэдээлснээр Гэрэлээгийн сүйт залуу нь урлагийн хүн гэнэ. Тэрбээр “Би хайртай” олон ангит кинонд хамтран тоглосон залуутайгаа хайр сэтгэлийн холбоогоо бататгаж, ийнхүү хамтын амьдрал зохиохоор шийдсэн бололтой.
Эх сурвалж: "Өглөөний сонин"
