Mонгол түмэн онд мэнд орсоноо бэлэгдэж хаврын эхэнд, сар шинийн баярыг тэмдэглэн өнгөрүүлдэг уламжлалтай. Энэ сайхан баяр өнгөрмөгц хаврын урин орж малчны хотонд төлийн дуу цангинаж эхэлдэг. Ийнхүү малчин түмэн маань шинэхэн гарсан төлөө дуу хуураар тойглож өлгийдөн авдаг сайхан зан заншил, ёс уламжлалтай ард түмэн бөгөөд ийм эрхэм сайхан ард түмэндээ зориулж тэртээх 1978 оноос эхлэн Монголын радиогийн “Малчин” нэвтрүүлгийн сүлд дуу болон айл бүрийн хойморт эгшиглэсээр байгаа “Таван эрдэнэ” хэмээх дуугаар нэрлэсэн гайхалтай тоглолтоо нийтийн дууны нэгэн төлөөлөл болсон дуучин Пүрэвжавын Жимсээ тун удахгүй толилуулах гэнэ.
Б.Лувсандоржын шүлэг, З.Батсүхийн аялгуугаар бүтэж ЦДБЭЧ-ын гоцлол дуучин МУГЖ Д.Тунгалаг анхлан дуулсанаар амилсан “Таван эрдэнэ” хэмээх уг гайхалтай дууг энэ цаг үед дуучин Пүрэвжавын Жимсээ дахин сэргээн дуулсан нь малчин түмний хайр хүндлэлийг хүлээж тэдний сүлд дуу болон эгшиглэсээр байгаа юм.
Ийнхүү малчин түмний шүтээн болсон уг дуугаар нэрлэсэн тоглолтын зохион байгуулалтад тэртээх 1978 оноос эхлэн “Малчин” нэвтрүүлгийг бэлтгэн сонсогч түмэндээ хүргэсээр яваа олон гайхалтай эрхэмүүд хүндэтгэн оролцож байгаа бөгөөд энэ цаг үед тоглолтын зохион байгуулалтыг төгс хийдгээрээ нэрд гараад буй олон арван алдартнуудаас бүрдсэн 70 гаруй хүний бүрэлдхүүн хэдийнэ ажилдаа орсон гэнэ.
Сонирхуулхад “Таван эрдэнэ” хэмээх энэхүү гайхалтай дууны зохиогчид болоод анхлан дуулсан уран бүтээлч нь бурханы оронд заларсан хэдий ч дуучин Пүрэвжавын Жимсээ уг тоглолтоороо тус уран бүтээлчдийн авъяас билэгийг мөнхлөн сэтгэлийн их өргөл өргөхөөр хүсэж байгаа гэнэ.
Түүнчлэн МУСГЗ Л.Балхжав, МУУГЗ Ш.Гүрбазар, МУУГЗ Г.Мэнд-Оёоо, МУУГЗ Ч.Сангидорж, МУСТА Б.Пүрэвсүрэн, МУСТА Т.Найданжав, МУСТА Л.Төмөрбат, МУСТА Н.Баянмөнх нарын хөгжим, яруу найргийн олон олон алдартнуудын сор болсон бүтээлүүдийг хит болгон дуулж чадсан түүний анхны бие даасан тоглолт тун удахгүй болох ажээ.
Таныг урлагийн тэнгэр ивээг…
www.URLAG.mn
