Бүсгүй хүн бол дарс
Бүр тэр дундаа охь
Бага зэрэг шимэнхэн хүртвэл
Баахан сайхан ач тустай
Балай их шунанхан уувал
Балаг их хор хөнөөлтэй
Удаан нөөн хадгалах тусам
Улам нэмнэ тансаг амтаа
Улс амьтанд өгөөд байвал
Улиг болно эрхэм чанар нь
Дарсаа хэр зэрэг дарах нь
Дан ганц эзнээс хамаарна
Шилтэй дарсаа хага цохиод
Шинийг дахиад худалдаад авчихдаг
Шалиг завхай эзэн байна
Өөрт байгаа ганц дарсаа
Өнө удаан даран хадгалж
Уруул наалдам сайхан амты нь
Удтал амтлан бахдаж суудаг
Ухаант эзэн ч бас байна.
Зохиосон: Э. Нямдорж
