МУГЖ Т.Баясгалан ойр ойрхон хүү, охин хоёроо төрүүлж, таван жил нөхөр хүүхдээ халамжилж гэртээ суусны эцэст уран бүтээлдээ орлоо.Хүү Элбэгбаяр, охин Нандинзаяагаа төрүүлж асрах хугацаандаа Баясгалан хоёр дуу бичүүлсэн. Ховдынхонд зориулсан “Тунгалаг Буянт”, мөн Монголын анхны 3D клиптэй гэж пиардсан “Өвөлжих хун” дуу нь хүнд сайн хүрээгүй, хит болоогүй тэгсгээд орхигдсон. Харин хоёр хүүхдээ гараас гаргаад Т.Баясгалан уран бүтээлдээ эрчтэй оржээ.
Үг нь ухааруулж, ая нь аргаддаг ардын дуу, бэсрэг уртын дуу сонгож дуулж байгаа нь Т.Баясгалангийн зөв ч байж магадгүй. Мөн Т.Баясгалан дууныхаа “чимэг шигтгээ” болгож Монгол туургатан даяар алдартай Халимагийн алдарт дуучин Цагаанзамтай хамтарч дуулжээ. Хамтран дуулагч С.Жавхлантай тангараг тасарчихаад байхдаа Өвөрмонголын алдарт дуучин Лхасүрэнтэй хамтарч мөн л нэрд гарсан ардын дуу “Арван тавны сар” дууг дуулсан. Дуучин МУГЖ Т.Баясгалан нэг менежментээ хоёр давтав бололтой. Нэгэнт баян нөхрийн тогоо барьж байгаа гавьяат дуучны хувьд өмссөн зүүсэндээ анхаарал хандуулж 4-5 саяар тоологдох монгол хатны дээл өмсчихөөд ардын дууг хадааж явна. Харин хүмүүс хэрхэн хүлээж авах бол, фенүүд нь хэр үнэнч бол …
www.URLAG.mn
