“Сонгодог урлагийн хөгжлийг дэмжигч Ц.Пүрэвдорж сан”-гаас Хөдөлмөрийн баатар, Ардын жүжигчин, XX зууны манлай дуурийн дуучин Ц.Пүрэвдоржийн нэрэмжит Ари, романс дуулаачдын олон улсын VI уралдааныг арванхоёрдугаар сарын 13-17-нд зохион байгуулахаар болжээ. Өнөө жилийн уралдааны нийт шүүгчдийн бүрэлдэхүүний 80 орчим хувь нь гадаадын мэргэшсэн дуурийн уран бүтээлчид байхаараа онцлог аж. Тодруулбал, Итали, Япон, Орос, Хятадаас олон улсын шүүгчид хүрэлцэн ирж, уралдааныг шүүх юм байна. Түүнчлэн өнөө жил Хөдөлмөрийн баатар, Ардын жүжигчин, XX зууны манлай дуурийн дуучин Ц.Пүрэвдоржийн мэндэлсний 95 жилийн ой тохиож буй. Мөн Монгол Улсад мэргэжлийн дуучин бэлтгэж эхэлсний дэг сургалт 60 жилийн ойтойгоо золгож байна. Эдгээр тэгш ойг тохиолдуулан Монголоос…
Зохиогч: Урлаг
37 дахь удаагийн Европын кино урлагийн шагнал гардуулах ёслолын ажиллагаа Швейцарийн Люцерн хотод өнгөрсөн бямба гараг /2024.12.07/-т боллоо. Тус наадмын шилдэг уран сайхны киногоор Жак Одиарын найруулсан “Emilia Pérez” (Франц), шилдэг баримтат киногоор “No Other Land” (Палестин, Норвеги) шалгарчээ. Түүнчлэн Европийн шилдэг найруулагчаар Жак Одиар, шилдэг эмэгтэй жүжигчнээр Карла Софиа, шилдэг эрэгтэй жүжигчнээр Абу Сангаре нар тодорсон байна. Мөн тус наадам Вим Вендерст “Европын насан туршийн амжилт” цомыг гардуулсан бол Изабелла Роззеллинид дэлхийн кино урлаг дахь ололт амжилтыг нь үнэлэн цом гардуулжээ. Jacques Audiard Karla Sofía Gascón Wim Wenders Isabella Rossellini
Зөн совин, далд ухамсар, үзэл бодол, өнгөрсөн ба ирээдүй, дотоод сэтгэл зүйн тэмцэл, дотоод эрэл хайгуул болон өдөр тутмын амьдралын хэв маяг гэх мэт. Уран бүтээл туурвилд эдгээр мэдрэмжүүдийн үелзэл холбооснууд ямар хэлбэрт хувирч дүрслэгдэх нь тухайн үеийн сэтгэл зүйн байдал үзэж туулсан асуудал бэрхшээл, аз жаргал, амьдралыг үзэх үзлийн толь гэлтэй. Тэрээр Буга болон Лус гэсэн хоёр дүрийг бүтээж, түүгээрээ дамжуулж эсрэгцэл болон нийлэмжийн Буга нь эр, Лус нь эм гэсэн ойлголтыг эвдэж, өнгөрсөн ба ирээдүй гэж үзсэн байна. Уг хоёр дүр нь аль нэгэн хүйсэд хамаарахгүй дүрсэлсэн нь сонирхолтой. Хоёр дүр нь хоёул эмэгтэй хүний гоо үзэсгэлэн, уян…
Монголын хөгжмийн урлагийн хөгжилд хувь нэмрээ оруулан, монгол үндэсний чавхдаст хуучир хөгжмийн тансаг аялгууг өөрийн авьяас билгээрээ түгээж яваа хуучирч Э.Цэндсүрэн шинэ цомгоо танилцууллаа. “Aydu records”-оос эрхлэн гаргасан “Romances and Concerto for Khuuchir and Orchestra by Sharav Byambasuren” нэртэй энэхүү цомог нь Төрийн шагналт, Урлагийн гавьяат зүтгэлтэн, хөгжмийн зохиолч Б.Шаравын долоон романс, нэг ари, нэг дуун романс, нэг концертоос бүрджээ. Түүнчлэн цомогт багтсан дуунуудын тал нь хуучрын урын санд шинээр тоглогдож буй бүтээлүүд, мөн хуучирт хөрвүүлэн найруулсан гэдгээрээ онцлогтой аж. Ташрамд танилцуулахад хөгжмийн гэр бүлд төрж өссөн Э.Цэндсүрэн 12 настайгаасаа хөгжмийн сургуульд суралцаж, улмаар Монгол Улсын Консерваторт бакалавр, БНХАУ-ын Шанхайн…
Дуурийн дуучин, М.Гнесинийн нэрэмжит ОХУ-ын хөгжмийн академийн магистрантур Б.Доржнамжин ЗХУ-ын Ардын жүжигчин, алдарт тенор Сергей Яковлевич Лемешевийн нэрэмжит XIII дахь удаагийн дуурийн дуулаачдын уралдаанд амжилттай оролцож тэргүүн байр эзэлжээ. Тэрбээр өнгөрсөн аравдугаар сард “Grand stage awards” мэргэжлийн дуурийн дуулаачдын олон улсын уралдаанд тэргүүн байр эзлэн, гранпри шагнал хүртсэн бол арваннэгдүгээр сард ЗХУ-ын Ардын жүжигчин Муслим Магомаевын дурсгалд зориулсан “Орфей-2024” олон улсын уралдаанд амжилттай оролцож, гутгаар байр эзэлсэн юм.
Азийн шилдэг загвар зохион бүтээгч Д.Отгонжаргалын “O couture” брэндийн 10 жилийн ойн загварын шоу өнгөрсөн баасан гараг /2024.12.06/-т АСА арена”-д боллоо. Энэ удаагийн шоунд Монголын тал нутгийн оюун санаа өв соёлоо сэргээн амилуулсан, тансаг даавуу, уран хатгамал, нүүдэлчдийн сэтгэл татам баялаг өв уламжлалыг орчин үеийн загвартай хослуулан танилцуулсанаараа онцлог байсан бөгөөд шоуны цор ганц, дахин давтагдашгүй загваруудыг Монголын болон гадаадын супер моделиуд өмсөж тайзнаа амилуулсан юм.
Дэлхийн шилдэг хөгжмийн зохиолч П.И.Чайковскийн “Цөмөгч цэрэг ба хулганы хаан” сонгодог хөгжмийн үлгэрээс сэдэвлэсэн тайз, дэлгэц хосолсон орчин үеийн технологийн шийдэл бүхий медиа арт төрлийн үзвэрийг УДЭТ-ын тайзнаа арванхоёрдугаар сарын 25-ны өдөр 16:00,19:00 цагаас толилуулах гэж байна. Тус үзвэрийг зохион байгуулж буй “Улаанбаатар” оркестр нь “Цөмөгч цэрэг ба хулганы хаан” сонгодог хөгжмийн үлгэр дээр суурилан дүрүүдийг шинэчлэн бүтээж 40 гаруй хөдөлгөөнт зургуудыг нэг бүрчлэн дижиталаар зуруулсан бөгөөд медиа урлаг болон тайзны урлагийг хослуулсан шинэлэг хэв маягийн уран бүтээлийг үзэгч олонд хүргэхээр зорьж байгаа юм. Үзвэрт хүрэлцэн ирсэн зочид медиа арт үлгэрийг дэлгэцнээс үзэнгээ, тайзан дээрх бодит өгүүлэгчийн уран хүүрнэлийг сонгодог…
“Хурд” хамтлагийн 30 жилийн ой өнгрсөн онд тохиож, ойн баярын тоглолтоо Төв цэнгэлдэх хүрээлэнд “Хурд-30 жил” нэртэйгээр хийсэн. Түүнчлэн эл ойн хүрээнд олон гэнэтийн бэлэг сонслгчдодоо хүргэхээр төлөвлөсний нэг нь бүрэн хэмжээний уран сайхны кино юм. Тодруулбал, “Хурд” хамтлаг “Бүсгүй” дуунаасаа сэдэвлэсэн бүрэн хэмжээний уран сайхны кино бүтээснээ үзэгчдэд хүргэх гэж байна. “Хайрлагдсан эмэгтэй хамгаас илүү үзэсгэлэн төгс, эрхэмсэг. Хайрлаж, хайрлуулж яваа бүсгүйчүүддээ зориулав” хэмээн онцолсон “Бүсгүй” уянгын драмын кинонд жүжигчин Г.Ариана, С.Ариунбямба нар гол дүрийг бүтээжээ. Энэхүү уран бүтээлийг ирэх оны нэгдүгээр сарын 16-наас бүх кинотеатруудаар үзэгчдийн хүртээл болгох юм байна.
УДБЭТ-ын уран бүтээлчид П.И.Чайковскийн “Цөмөөхэй” балетыг эхний өдрөө /2024.12.07/ амжилттай тоглолоо. Эл уран бүтээлийг үргэлжлүүлэн арванхоёрдугаар сарын 8, 14, 15, 21, 22-нд 17:00 цагаас толилуулах юм. Түүнчлэн үзэгчдийн хүсэлтээр нэмэлт тоглолтууд гаргахаар болжээ.
Латин формейшн бүжгийн дэлхийн аварга шалгаруулах тэмцээн өнгөрсөн бямба гарагт /2024.12.07/ Австрийн Вена хотноо боллоо. Эл тэмцээнд манай улсаас “Moon dance”, “Star” хамтлагууд оролцсон юм. “Moon dance” хамтлагийн тухайд сүүлийн хоёр ДАШТ-ий мөнгө, хүрэл медальт хамтлаг бөгөөд дэлхийн аваргаас медаль хүртсэн анхны ази хамтлаг гэдгээрээ онцгой. “Moon Dance” хамтлаг үүсгэн байгуулагдсан цагаасаа эхлэн 10 дахь удаагаа дэлхийн аварга шалгаруулах тэмцээнд ийнхүү оролцож, энэ жил ч мөн амжилттай оролцож хүрэл медаль, цомын эзэд боллоо. Өнөө жилийн тухайд өмнөх жилийн гарааны тамирчид 60 хувь шинэчлэгдэж, дараагийн үеээ бэлтгэсэн онцгой бүрэлдэхүүнтэйгээр тэмцээнд орлцсон бөгөөд талбай дээр бүжиглэсэн 16 тамирчны тав нь дунд сургуулийн…