“Соёлын дурсгалт өв–хадны зургийг олон улсад сурталчлах нь” төслийн хүрээнд ЮНЕСКО-гийн төв байранд “Хөмөргөн гурвалжин” этно бүжгэн жүжиг, “Монголын сая өдөр” зургийн үзэсгэлэнг зохион байгуулсан байна.
Ангилал: Уртын дуу
Пандора гаригийн гайхалтай байгальтай танилцсанаас хойш аль хэдийн арван жил өнгөрчээ. Уран сэтгэмж, адал явдал, хайр дурлалыг гайхалтай хослуулсан энэ бүтээл кино гэхээсээ илүү компьютер графикийн шинжтэй бүтээл болсон. Түүнээс хойш Аватартай дүйцэх дүрслэл сайтай кино бараг гарсангүй гэж хэлж болно. Энэхүү гайхалтай бүтээл гарсан даруйдаа $2,789,958,507 ашиг олж, цаг үеийнхээ хамгийн өндөр орлоготой кино хэмээн шагшигдаж, бокс оффисийн хэд хэдэн дээд амжилтыг тогтоож байсан билээ.
Нийслэлийн Засаг даргын Тамгын газар, нийслэлийн Гэр бүл, хүүхэд, залуучуудын хөгжлийн газар, Олон Улсын хүүхдийн “Найрамдал” төв хамтран жил бүр уламжлал болгон шинэ жилийн баярыг тохиолдуулан асрамж, халамжийн төвд амьдарч буй хүүхдүүдэд ОУ-ын хүүхдийн “Найрамдал” төвийн харшийн сүлд модны наадмыг үзүүлдэг уламжлалтай. Энэ жил Улаанбаатар хотод үйл ажиллагаа явуулж байгаа асрамж, халамжийн төвийн 800 гаруй хүүхдэд харшийн сүлд модны наадмыг үзүүлж, Нийслэлийн Засаг даргын гарын бэлгийг ирсэн бүх хүүхдүүдэд гардуулан, нэг өдрийг хүүхэд багачуудын дуу хуур, баяр хөөр, гэнэтийн бэлгүүдээр дүүрэн өнгөрүүллээ.
Дэлхийн дуурийн урлагийн нэрт зүтгэлтэн, Хөдөлмөрийн баатар, Ардын жүжигчин Ц.Пүрэвдоржийн нэрэмжит Ари романс дуулаачдын олон улсын V уралдааныг түүний 90 жилийн ойд зориулан зохион байгуулж байгаа билээ.
Их эзэн Чингис хааны мэндэлсний ой, өвлийн тэргүүн сарын шинийн нэгэн, “Монгол бахархлын өдөр” өнөөдөр /2019.11.27/ тохиож байна. Энэ өдөр дэлхий дахинаа нэрээ цуурайтуулаад буй “The Hu” хамтлагийнханд Монгол төрийн дээд шагнал, тэргүүн зэргийн “Чингис Хаан” одонг олголоо. Тус одонг улс орныхоо тусгаар тогтнол, бүрэн эрхт байдал, үндэсний эв нэгдлийг бататган бэхжүүлэх, төрт ёс, түүх соёлынхоо уламжлалыг гүнзгий судалж, хойч үедээ өвлүүлэх, тэдгээрийг дэлхий дахинд сурталчлан таниулах үйлсэд үнэтэй хувь нэмэр оруулж, төр, нийгэм, үндэстний өмнө онцгой гавьяа байгуулсан хүмүүст олгодог уламжлалтай.
“Монгол туургатны уран зохиолын өнөөдөр, маргааш” сэдэвт Олон улсын эрдэм шинжилгээний хурал, номын нээлтийн ёслол маргааш /2019.11.22/ “Богд хааны ордон музей”-д болно. Хурлын гол зорилго нь ХХ зуунд бүтээсэн утга соёлын өв сангаас дээжлэн өргөн олон уншигчдад, нэн ялангуяа залуу хойч үеийнхэнд хүргэж мэдүүлэх, зохиолч уран бүтээлчдийн авьяас чадвар, ололт амжилтыг нь таниулан сурталчлах, үгийн урлагаар илрэх тухайн нутгийн монгол хэл аялгууны гайхамшигт баялаг сангаас мэдрүүлэх, үндэстнийхээ их түүх, эх соёлоос сургамж аван бахархах, хайрлах үзлийг төлөвшүүлэх зорилготойгоор монгол туургатны утга соёлын хоёр төслийг санаачлан хэрэгжүүлж байгаа билээ.
Төрийн шагналт, Ардын жүжигчин Ц.Намсрайжавын нэрэмжит Улсын филармонийн хамт олон уран бүтээлийн 48 дахь улирлын нээлтийн тоглолтоо энэ сарын 22-нд өөрийнхөө байранд хийх гэж байна. “New season 2020” хэмээн нэрийдсэн уг концерт оркестрын болон шилдэг гоцлол дуучдын тоглолтоос бүрдэж байна.
Хувцас загварын ертөнцийн хамгийн том арга хэмжээнүүдийн нэг “Victoria’s Secret” шоуг албан ёсоор зогсоож байгаа тухай тус брэндийг эзэмшигч эзэмшигч “L Brands” компани өчигдөр /2019.11.21/ зарлажээ.
Монголын зураач Ж.Мөнхжаргалын “Үдэш: Сар дэлхийг зүүдлэх үед” хэмээх уран зураг нь Тайванийн “Да Дүн урлагийн үзэсгэлэн 2019” наадмын усан будгийн төрөлд хоёрдугаар байр эзэлсэн нь Монгол уран бүтээлчийн авсан анхны шагналт байр боллоо.
Бүгд Найрамдах Индонез Улс дахь Монгол Улсын Өргөмжит консул Чандра Гозали, Монгол Улсын Соёлын элч Сэтионо Жуанди Дармоно нарын санаачилгаар 2019 оны 11 дүгээр сарын 16-ны өдөр Жакарта хотноо “Монгол дуурийн үдэш” арга хэмжээг амжилттай зохион байгууллаа.