Цонхон цаагуур цасан будрана. Хаа тэртээ үлдсэн он жилүүдийн нэгэнд чихний хажуугаар нисээд өнгөрсөн “молекулуудын эмх замбараагүй хөдөлгөөн…” гэсэн өгүүлбэр сонсогдоод өнгөрөв. Самбар дээгүүр багшийн шохой тогшин гүйх шиг. Тэгснээ самбартай, юутай хээтэйгээ будраад арилах ч шиг. Сэхээрэн харвал хэн ч юу ч яриагүй бөгөөд тээр жил багшийн амнаас гараад бидний чих рүү ч ороогүй, эргэж ч хариагүй тэр өгүүлбэр жаахан санаа зовсон шинжтэй хулган сууж байна. Эв дүйгүй хадаж, эв дүйгүй будсан ширээн дээр нэгэн шүлэг суугаад өөрөө өөрийгээ бичиж харагдана. Өөрөө өөрийгээ үлээх гээд ядчихсан нялх салхины хажууд тэрний ажил хавьгүй бүтэмжтэй.

Хувийн амжилт бүтээл, өөрийгөө илэрхийлэх хүсэл тэмүүлэл голлосон сар хаяанд ирлээ. Гэхдээ 14-ний өдрөөс эхлээд гэр орны асуудал голлох байрыг эзлэх болно. Чи аль аль талын ажлуудыг амжуулах, тэнцвэртэй байдлыг хадгалж чадна. Өөртөө асуулт тавих, ярилцах мөчүүд тохиох бөгөөд энэ нь өөрийгөө илүү сайн ойлгох гэсэн хүслээс чинь үүдэлтэй. Олон хонины ордныхон гэрийн дотоод засал чимэглэлдээ их хэмжээний хөрөнгө оруулалт хийж, сууцаа гоёх болно. Мөн хонинууд ямар ч тохиолдолд өөрийн үзэл бодол дээрээ бат зогсох бололтой. Яг энэ үед л амьдралын зорилгоо тодорхойлж түүнийхээ төлөө шаргуу хөдөлмөрлө. Энэ тал дээр угаас ямар ч буулт хийх хэрэггүй, тэгэх ч шаардлагагүй.

“Учиртай 3 толгой” дуурийн шилдэг дүр шалгаруулах улсын уралдааны эцсийн байрны шагналтнууд өнөөдөр тодорно.
Төв аймгийн ЗДТГ, Монголын Урлагын ажилтын холбоо хамтран 2016-03-25 наас эхлэн шалгаруулсан улсын 7 дугаар уралдаанд нийт 60 гаруй уран бүтээлч оролцсоноос өнөөдрийн байдлаар 8 уран бүтээлч үлдээд байна.

Герман Улсад оношилгоо, эмчилгээ хийлгэх шаардлагатай, ой зургаан сартай О.Сувд охинд туслах “Зүрхний бяцхан Сувд” нэртэй хандивын тоглолт дөрөвдүгээр сарын 25-ны 19.00 цагт “UB палас”-ын их танхимд болно.

Охины эмчилгээний зардалд нийт 25 сая төгрөг шаардлагатай. Түүний ээж М.Наранмандах охиныхоо эмчилгээний зардлыг олох зорилгоор шүрээр машинд тавих утасны дугаар урлаж хоёр сар гаруйн хугацаанд нийт 2 орчим сая төгрөг олсон гэнэ. Мөн нинжин сэтгэлтэй олны дэмжлэгээр 4 сая орчим төгрөг цуглаж нийт зургаан сая төгрөгтэй болжээ.

Өнөөдөр аргын тооллын 2016 оны дөрөвдүгээр сарын 1. Баасан гараг. Билгийн тооллын XVII жарны “Муу нүүрт” хэмээгч Гал бич жилийн Хаврын дунд цагаагчин туулай сарын Билгийн тооллын 24. Сугар гараг. Элдэв тэнгэртэн одтой, зургаан цагаан мэнгэтэй харагчин үхэр өдөр. Өдрийн барилдлага: Шид. Шүтэн барилдлага: Сэрэхүй. Өдрийн наран 6 цаг 33 минутад мандан, 19 цаг 19 минутад жаргана.

Бүх нутгаар солигдмол үүлтэй. Зүүн зүгийн нутгийн зарим газраар цас орж цасан шуурга шуурна. Салхи баруун хойноос секундэд 6-11 метр, говь, тал хээрийн нутгаар секундэд 14-16 метр хүрч ширүүснэ. Завхан голын эх, Увс нуурын болон Дархадын хотгор, Идэр, Тэс голын хөндийгөөр 1-6 градус хүйтэн, Алтайн өвөр говиор 10-15 градус, говийн аймгуудын өмнөд хэсгээр 3-8 градус дулаан , бусад нутгаар 1 градус хүйтнээс 4 градус дулаан байна.

УИХ-ын хаврын чуулганаар нэмэгдсэн өртгийн албан татварын хуулийн шинэчилсэн найруулга хэрэгжиж эхлээд багагүй хугацаа өнгөрсөн билээ. Энэ хугацаанд иргэд ebarimt.mn-д НӨАТ-ын баримтаа идэвхитэй бүртгүүлсээр байсан юм. Тэгвэл энэхүү сугалааны тохиролоор хэд хэдэн азтан тодорсон юм. Хамгийн сүүлд энэ сарын 28-ны өдөр явагдсан сугалааны тохиролд ҮДБЭЧ-ын хөгжимчин Д.Халиун хожиж 20 сая төгрөгийн эзэн болжээ. Тэрээр Саран гэх жижиг супермаркетаас худалдан авалт хийж азтан болсон бөгөөд сугалааны тохирол явагдснаас ажлын 13 дахь хоногт мөнгө түүний дансанд байршсан байна. Харин тэрээр энэхүү мөнгөөрөад хожсон мөнгөө өөрийн боловсролдоо зориулах буюу ирэх жил АНУ-д мастерын зэрэг хамгаалахдаа хэрэглэнэ гэжээ.

“Шинэ үе” продакшны дэлгэцийн 5 дахь бүтээл “Хөгжилтэй өдөр” инээдмийн уран сайхны Х.Отгонтунгалаг гол дүрийг бүтээж олны танил болсон. Хошин урлаг сонирхогчдод бол эчнээ таних биз ээ. КУДС-ийг жүжигчин мэргэжлээр төгсөж ажлын гараагаа “Шинэ үе”-эс эхлүүлсэн азтай бүсгүй. Тэрбээр амьдралынхаа ханиар мэргэжил нэгт жүжигчин Г.Баярхүүг сонгосон. Нэг охинтой хосууд шинэ бүтээлүүдтэйгээ үзэгч түмэнтэйгээ уулзсаар байгаа билээ. Энэ удаад үзэсгэлэнтэй жүжигчин бүсгүйн “содон” селфиг хүргэж байна.

Үлээгээд өнгөрөх салхинд даашинзны минь хормой сөхөгдөхгүй
Үнсээд л одох уруулд сэтгэлийн минь жолоо алдрахгүй
Хайртай гэсэн үгэнд хаширсан зүрх минь итгэхгүй
Уучлаарай гэсэн үгэнд унтарсан итгэл минь сэргэхгүй ээ