Төрийн соёрхолт Д.Болд “Би дурламаар байна” дуугаараа “UBS Music Video Awards-2013” наадмаас шилдэг эвлүүлэгч график, дизайн, Шилдэг продюссерын шагналыг хүртсэн.
Энэ ч утгаараа сүүлийн өдрүүдэд цахим ертөнцийн хамгийн халуун сэдэв Төрийн соёрхолт дуучин Д.Болд болоод байгаа юм.Түүний “Шилдэг график дизайнтай клип” номинацид шилдгээр шалгарсан "Би дурламааар байна" бүтээл хулгайнх болох нь батлагдаж төрийн соёрхолтонг маань багагүй сандаргаж, бухимдуулаад авлаа. Энэ явдалд дургүйцсэн зарим нь Д.Болдыг тайлбар хийгээд зогсохгүй энэ клипээрээ авсан шагналаа буцааж ард олноос уучлал гуйх ёстой хэмээн жиргэсэн байх юм.
Үүний хариуд тэрбээр өөрийн твиттер хуудсаараа дамжуулан “Хөөрхий дөө. Энэ шагналыг нь буцааж өгсөн ч яалаа, байсан ч яалаа. Бидэнд үр өгөөжөө өгөөд байгаа тийм зүйл биш шүү гэв. Түүнчлэн "Энэ клипийг "DOZ entertainment" 15 сая төгрөгөөр хийж гүйцэтгэсэн. Бас найруулагчаар нь Доржсүрэн ажилласан" гэсэн тайлбарыг хийжээ.
Эцэстээ энэ бүхэн найруулагч Доржсүрэнгийн буруу болоод явчихлаа. Дуучин Л.Болд үйлчлүүлэгчийн хувьд үнэ хөлсөө төлөөд ажлаа хийлгүүлсэн харин “DOZ Entertaiment”-ыг ийм зүйл хийнэ гэж бодсонгүй хэмээн бухимдав.
Ямартай ч Монголын урлагт хулгайн дуу клип газар авсаар удаж байгаа. Харин Төрийн соёрхолт дуучин нь хүртэл хулгайн дуу клип хийж байгаа нь олон хүнийг эмзэглүүлсэн явдал боллоо.
www.URLAG.mn
