Рок попын ертөнцөд үнэтэй хувь нэмэр оруулсан хэмээн хүлээн зөвшөөрөгддөг Л.Балхжавыг хар тамхины наймаачинтай зүйрлэсэн “Universe best songs” наадмын эрхэм шүүгч, “Pro Sound” студийн продюссер Рагу Раманд манай урлагынхан гомдолтой байна.
Тэд энд хамтарч ажиллаж байхдаа бус, явсныхаа дараа шүүмжилж, доромжилсон хэмээн бухимдаж байгаа юм. Рагу Раманыг анх “Камертон” хамтлагийн дуучин Д.Болд Монголд урьж авчирсан гэнэ. Дараа нь дуучин Ж.Алтанцэцэгийн “Pro sounds” студид ажиллаж, олон уран бүтээлчтэй гар нийлж, уран бүтээл хийсэн. Өөрийнх нь санаачилсан төсөлд манай уран бүтээлчид үнэгүй дуулж, олон сая төгрөгийн гэрээг нь дэмжиж ажилласан. Зүгээр нэг хөгжмийн найруулагч, техникч хүнд дэлхийн хэмжээний цалин өгч, манай урлагийнхан хэт өндөрт өргөж, нэрт продюсер гэж зарласан. Үнэндээ Рагу тийм нэртэй продюсер байгаагүй. Олон сая төгрөгийн гэрээ хэлцэл хийхдээ дуучин Ж.Алтанцэцэгийн студийн дансыг ашигласан юм билээ. Алтаад маань татварын асуудал үүсэж, шалгаж болзошгүй байгаа” хэмээн тэд ярьж байна.
Эх сурвалж: yalagch.mn
