Мисс, загвар өмсөгчид дотроос хамгийн даруухан бас уран гартай нь мисс Ч.Содтуяа байх. Тэрээр ээжтэйгээ хамтран өмсөх хувцсаа урладаг. Мисс Содоогийн өмссөн гоё даашинз, монгол дээлнүүд ихэнхдээ өөрийнх нь бүтээл байдаг.
Саяхан мисс Ч.Содтуяа 300 гаруй дээлтэй гэж ярьсан байна билээ. Анх 16-17 насандаа загварын тайзан дээр гарсан мисс Содоо 10 гаруй жил загвар өмсөж, “Азийн модель” агентлагаараа дамжуулан шавь нараа бэлдэж яваа. Түүний охин Содонгоогийнх нь аав Б.Чингүүн Содоогийн гарын шавь байгаад дараа нь хайр сэтгэлтэй болсон. Хамтдаа цөөнгүй жил амьдарч хөөрхөн охинтой болсон хосууд хоёр тийш болоод дөрвөн жил боллоо. Загварын сайхан хосуудын дундаас мэндэлсэн Содонгоо охин үеийнхнээсээ хавьгүй өндөр. Сэтгүүлийн сар шинийн баярын дугаарт ээжтэйгээ хамт монгол дээлээр гоёж зургаа авахуулсан Содонгоо охиныг модель болох ирээдүй байна гэж зургийг нь үзсэн хүмүүс өхөөрдөж байна.
Эх сурвалж: tovchoo.mn
