Хүүхдийн нэвтрүүлгийн хөтлөгчөөр анх урлагт орох гараагаа эхлэж байсан жүжигчин О.Цэнгэлийг үзэгчид “Сайн уу амьдрал минь”, “Боолын гэрээ” зэрэг дэлгэцийн уран бүтээлд тоглосоноор илүү мэдэх болсон.
Нэг хэсэг кино, клипүүдэд нэлээд тоглодог байсан тэрбээр хөтлөгч Б.Тэнгистэй гэр бүл болж, үрийн зулай үнэрлэсэнээр “усанд хаясан чулуу” шиг сураг ажиггүй болсон. Тэгвэл О.Цэнгэл өдгөө найруулагч З.Батболдын студид харьяалагддаг бөгөөд зөвхөн түүний зөвшөөрлөөр өөр студи, продакшний тайз болон дэлгэцийн бүтээлд тоглох эрхтэй гэнэ. Тэрбээр 2008 оноос хойш ахтайгаа хамтран нэгэн төв нээн, багшилж байгаа бөгөөд өдгөө нэлээд хэдэн шавьтай болсон сурагтай. Ойр хавийнхан нь ч түүнийг жүжигчин, сэтгүүлч гэхээсээ илүүтэй илтгэх урлагаараа багшилбал ирээдүйтэй хэмээн зөвлөдөг аж.
www.mass.mn
