Монгол Улсад банкны тогтолцоо үүссэний 90 жилийн ойд зориулсан зоос мөнгөн тэмдэгтийн үзэсгэлэн нээлтээ хийлээ. Монголбанк, зоос цуглуулагч нарын хамтран энэхүү сонирхолтой үзэсгэлэнг Төрийн түүхийн музейн Монгол төрийн тэргүүний танхимд толилуулж байна.
Монголын эзэнт гүрний үеэс өнөөг хүртэл гүйлгээнд хэрэглэж байсан болон дурсгалын зоос, мөнгөн тэмдэгтүүдийн ховор үзмэрүүдийг нэг дороос харах боломжтой. Тус үзэсгэлэн долдугаар сарын 31 хүртэл үргэлжлэх юм байна.
