“Оскар”-ын шагналт жүжигчин Ке Хюи Куан “Never Say Die” нэртэй дурсамж номоо гаргажээ. Эл ном есдүгээр сарын 15-нд худалдаанд гарсан байна.
Куан 2023 оны “SAG Awards”-ын улаан хивсний үеэр олон жил хүндэлж явсан нэгэн алдартай жүжигчнийг олж хараад хамтдаа зураг авахуулахыг хүссэн байна. Тэрбээр өөрийнхөөрөө хөгжилтэй царай гарган зураг авахуулсан боловч нөгөө жүжигчин түүний царайг шүүмжилж, тухайн орой шагнал авахгүй гэсэн утгатай үг хэлсэн хэмээн Куан номдоо бичжээ.
Куан “People” сэтгүүлд өгсөн ярилцлагадаа тухайн жүжигчний нэрийг яагаад нууцалсан талаараа тайлбарлахдаа, хүмүүс хэн байсныг мэдэхийг хүсэх нь ойлгомжтой ч тухайн хүн хэн байсан нь өөрт нь болсон явдлаас авсан сургамжаас илүү чухал биш гэж хэлсэн байна. Тэрбээр энэ түүхийг номдоо оруулах эсэх талаар хүртэл эргэлзэж байсан аж.
Тухайн үед Куан “Everything Everywhere All at Once” киногоороо “SAG Awards”-ын киноны туслах дүрийн шилдэг эрэгтэй жүжигчин төрөлд нэр дэвшсэн байв. Тэрбээр эуг шагналыг хүртэж, тус төрөлд “SAG Awards”-ын түүхэнд ялалт байгуулсан анхны ази эрэгтэй жүжигчин болсон юм.
“Everything Everywhere All at Once” киноны дүрээрээ Куан “Алтан бөмбөрцөг”, “Critics Choice Award”, “Gotham Award” болон “Оскар”-ын шилдэг туслах эрэгтэй жүжигчин шагналыг мөн хүртсэн байна.
