Саяхан нээлтээ хийсан "Тусгай ажиллагаа" киноны дараахан жүжигчин Ө.Мөнх-Эрдэнийг СТА цол тэмдгээр шагнасан юм. Гэвч жүжигчин залуу энэхүү шагналаас татгалзаж, ССАЖ-ын сайд Ц. Оюунгэрэлд буцаан олгох тухай өвөрмөц шийдвэр гаргажээ.
Тэрбээр "ССАЖ-ын сайд Ц. Оюунгэрэл танаа МУСТА цол тэмдэг олгох тухай:
Танд энэ өдрийн мэнд хүргэе ээ. Та хийсэн бүтээл, нэр зүсийг нь ч танихгүйгээр маш олон залуусыг шагнаж урам зориг өгдөг билээ. Та ч бас магадгүй урмаар дутаж л явдаг байлгүй дээ. Тиймийн учир миний бие танд урам хайрлая гэдэг үүднээс МУСТА гэдэг энэхүү цол тэмдэгээ олгохоор шийдлээ. Эрхэм хүндэт ССАЖ-ын сайд МУСТА Ц. Оюунгэрэлд жүжигчин Ө. Мөнх-Эрдэнээс" хэмээн өөрийн фэйсбүүк хуудсаараа дамжуулан уламжилжээ.
СТА цол тэмдэг орчин цагийн соёл урлагт үнэ цэнээ алдаж, ганц хоёрхон жил дуулсан дорвитой хийж бүтээсэн зүйлгүй үзэмж, танил талаараа авсан, хүрээлэлдээ үнэлэгдэж амжаагүй шагналтнууд олон болжээ. Магадгүй жүжигчин Ө.Мөнх-Эрдэнэ энэ бүхнийг эсэргүүцэж цол тэмдэгээ буцааж байж болох юм.
www.URLAG.mn
