Монгол улсын анхны олимпийн аварга (2008), анхны хос медальтан энэ эрхэмийг танихгүй хүн үгүй. Жүдо бөхийн дэлхийн дэвжээнээ өөрийн нэрээ дуурсгасан түүнийг олноо хүндэлдэг.
Өдгөө Үндэсний шигшээ багийн дасгалжуулагчийн ажлыг давхар хийж байгаа юм. Саяхан болж өндөрлөсөн БНХАУ-ын Чиндао хотод болсон Гран-при тэмцээнд аваргалж, олимпийн эрх авах оноонуудаа нэмж чадсан. Түүний хэтийн зорилго бол ирэх жил Бразилийн Рио-де-Жанейро хотод болох Зуны олимпод оролцох явдал бөгөөд бэлтгэлээ шаргуу хийсний үр дүнд гурван олимпоос дараалж медаль хүртсэн Монголын анхны тамирчин болох хүсэл мөрөөдөлтэй яваа гэнэ лээ.
Гэвч Н.Түвшинбаяр аварга Риогийн олимпийн дараа албан ёсоор зодог тайлахаар шийджээ. Гэхдээ бүр мөсөн бөхөө орхихгүй бөгөөд дасгалжуулагчийн ажлыг хийн залуу үеэ бэлтгэх их ажилд ханцуй шамлан орох болсон байна.
О.Ариун
