МУГЖ, Зууны манлай эстрадын дуучин Б.Сарантуяа урлагийн ертөнцөд хөл тавьж ард түмэндээ уран бүтээлээ хүргээд 30 хаврыг үджээ. Уран бүтээлийн ганзаг дүүрэн яваа дуучны төрсөн өдөр удахгүй тохиох гэж байна. Энэ жилийн төрсөн өдрийг үзэгч түмэнтэйгээ хамтдаа өнгөрүүлэхээр тоглолтын бэлтгэл ажлыг базааж байгаа. "Төрсөн өдрийн анплагед тоглолт" энэ сарын 19, 20-нд болох бол 30 жилийн баярын тоглолт ирэх есдүгээр сард болох юм.
Сүүлийн үеийн уран бүтээл болон тоглолтын талаар сэтгүүлчидтэй өглөөний цай уунгаа чөлөөт ярилцлага хийлээ. Энэхүү уулзалтанд "Өртөө" УСК-ны хамт олон, түүний шавь дуучин Л.Насанбуян, Э.Болор-Уянга нар оролцлоо. Дашрамд сонирхуулахад гайхалтай уран бүтээлчийг Үндэсний оператор "Жи мобайл" компанийн хамт олон ерөнхий ивээн тэтгэгчээр ажиллаж байгаа юм. Уулзалтын фото сурвалжлагыг хүргэж байна. Удахгүй дэлгэрэнгүй мэдээллийг хүргэх болно.
