Жүжигчин Г.Ундармаа "Итгэлийн танхим" төрийн бус байгууллагаараа хэд хэдэн эмнэлэгийн хүлээлгийн танхимыг орчин үеийн стандартад нийцүүлэн засварласан. Хамгийн сүүлд л гэхэд Хан-Уул дүүргийн нэгдсэн эмнэлэгийн хүүхдийн тасгийг иж бүрэн засварласан билээ. Тэгвэл энэ удаа жүжигчин Г.Ундармаа “Мишээл”-ийнхэнтэйгээ хамтарч “Өнөр бүл” асрамжийн газрын 20 хүүхдийн бүх өрөөг засварлаж өгөхөөр болсон байна.
“Өнөр бүл” асрамжийн төвд одоогоор 105 хүүхэд амьдарч байгаа бөгөөд тус төв нь 41 жилийн өмнөөс үйл ажиллагаа эхэлжээ. Дашрамд дурдахад, жүжигчин Г.Ундармаа Сонгинохайрхан дүүргийн Эрүүл мэндийн төвийн харьяа Баянхошуун дахь салбар амбулаторын Хүүхдийн кабинет, Хүлээлгийн танхимыг тохижуулсан. Мөн “Өргөө амаржих газар”, "Улсын нэгдүгээр төв эмнэлэг”, “Эх хүүхдийн эрүүл мэндийн үндэсний төв”-ийн үйлчлүүлэгчийн өрөө, хүүхдийн тоглоомын болон ариун цэврийн өрөө зэргийг тохижуулсан билээ. Жүжигчин Г.Ундармаа “Өнөр бүл”-ийн бүх өрөөг засварлана
