Нийслэлийн Засаг даргын ивээл дор зохион байгуулагдаж буй драмын урлагийн шилдгийг шалгаруулах “Гэгээн Муза 15” олон улсын наадмын энэ сарын 23-30-ны өдрүүдэд онлайн хэлбэрээр зохион байгуулагдаж байна. Тус наадам энэ оны тавдугаар сард товлогдсон байсан ч "Covid 19" цар тахлын улмаас хойшилсон байсан юм.
“Гэгээн Муза 15” наадамд Монгол Улсад үйл ажиллагаа явуулж буй төвийн болон орон нутгийн театр урлагийн 10 гаруй театр, чуулга, продакшны бүтээлүүд болон олон улсаас 12 орны уран бүтээлчид өрсөлдөж байна. Тодруулбал Монгол, ОХУ-ын Буриад, БНХАУ-ын ӨМӨЗОрон, ХБНГУ, Австри, Швейцарь, Украйн, Хойд Македони, Энэтхэг, Арабын нэгдсэн Эмират, Грек, Испани, Итали зэрэг улсын уран бүтээлчид, урлагийн байгууллагууд өөрсдийн шилдэг уран бүтээлүүдээрээ оролцож байна.
Дашрамд танилцуулахад драмын урлагийн шилдэг уран бүтээл, шилдэг уран бүтээлчийг шалгаруулдаг энэхүү наадмыг Олон улсын театрын өдрөөр, 2003 оноос зохион байгуулж эхэлсэн юм. Сүүлийн жилүүдэд наадмын давтамжийг хоёр жилд нэг удаа болгон өөрчилж, олон улсын хэмжээнд зохион байгуулдаг болсон билээ.
Ингээд та бүхэндээ наадамд нэр дэвшсэн уран бүтээлүүд болон ёслолын ажиллагааны онлайн цацалтын хуваарийг танилцуулъя.
– Моно жүжиг – 2020.08.23-24-ний өдөр
– Хөгжимт жүжиг – 2020.08.25-ны өдөр
– Хүүхдийн жүжиг – 2020.08.26-ны өдөр
– Хоёр хүний жүжиг – 2020.08.27-28-ны өдөр
– Драмын жүжиг – 2020.08.29-30-ны өдөр
– Хүүхэд оролцооны бүтээлийн шалгаруулалт – “Улаан хивсний баяр” 2020.08.30-ны Ням гарагийн 17.00-18.00 цагт, “Академийн шагнал гардуулах ёслол” 18.00-21.00 цагт болно.
ГЭГЭЭН МУЗА АКАДЕМИ
