“Universal” Б.Анхбаяр буюу А cool гэж хэн вэ?

Залуусын дунд "Ариунзаяа", "Хоёулаа гэрлэе", "Зөөлөн хайр", "Энхрий", "Аниргүй итгэл" зэрэг дуугаараа хүндлэлийг нь хүлээгээд буй дуучин A Cool буюу Б.Анхбаяр гэж хэн бэ?

Б.Анхбаяр  Багануур дүүргийн харьяат бөгөөд СУИС-ын бүжгийн ангийг төгссөн “бүжигчин” мэргэжилтэй нэгэн. Бүүр багаасаа “Хаврын баяр” цэнгээнт бүжгийн улсын уралдаан, “Одод болохын хүслэн” реп бүжгийн тэмцээнүүдийг алгасахгүй ордог байжээ. 2006 онд  Олон Улсын Хүүхдийн Найрамдал Төв зуны амралтаараа бүлгийн багш хийдэг байсан аж. Тухайн үед “Ариунзаяа болсон миний хайр…” хэмээн дуулж, анхны уран бүтээлээ туурьвсан гэнэ лээ.

Тэрээр өдгөө ИЗИС-ийн Маркетингийн албаны дарга,  Royal HD телевизийн хөтлөгч гэдгийн хүн бүр мэддэггүй. Мөн  “Эм-Aудио” дуу бичлэгийн студитай бөгөөд шинэ залуу хамтлаг дуучдыг дэмжин ажилладаг ажээ.

“А cool”-ын ойр дотны найзууд түүний тухай ярихдаа “Б.Анхбаяр чинь “Universal” залуу шүү дээ. Дуулна, бүжиглэнэ, жүжиглэнэ, удирдана, бас болоогүй нүдний шилийн цуглуулгатай үлгэр жишээ найз”  хэмээн ярилаа.

Харин дуучин Б.Анхбаяр нэгэн хэвлэлд өгсөн ярилцлагадаа “Дуу, хөгжим гэдэг миний амьдрал. Миний амьдралын жагсаалтын хамгийн эхэнд дуу маань бичигддэг. Түүний араас олон хүсэл зорилгоо жагсааж болно. Би нүдний шилнээс гадна малгай, тэмдэг цуглуулж ирсэн. Харин чөлөөт цагаараа снукер биллиард, даам тоглох дуртай” хэмээн ярьжээ.

Сонирхуулахад, дуучин A Cool ирэх сард бие даасан цомгоо гарган, тоглолтоо хийхээр төлөвлөж байгаа ажээ.

Б.Дэжид