Домгийн өглөө” мюзикл бүтээлээ хийх гэж хэрэндээ л зүдэрсэн гэх гавьяат жүжигчин Т.Ариунаа ёстой л нэг хаширчээ. Дууны клипэнд ихэвчлэн өөрөө тоглох дуртай тэрбээр нэгэн үе “Хэрвээ би жүжигчин байсан бол ямар ч дүрийг харуулж чадна” гэж бардамнаж явсан. Харин бүтэн жил шахам үргэлжилсэн “Домгийн өглөө” мюзизл киноны зураг авалт, түүхэн дүрүүдээс болоод гавьяат маань нэлээд шантарсан аж. Тиймээс саяхны нэгэн нэвтрүүлэгт оролцох үедээ найз нөхдийнхөө өмнө “Би одоо тэгж том дуугарч чадахаа больсон.
Жүжигчин байсан бол гэж ярих нь битгий хэл, дүр бүтээсэн гэхэд ч хэцүүхэн болоод байна. Энэ киногоо хийх гэж зүдэрч явахдаа дүр бүтээхийн зовлонг айхтар мэдэрсэн” гэж ирээд л хөлсөө арчив. Энэ ч утгаараа, жүжигчдийн хөдөлмөрийг ихэд үнэлж, дүрийн тухай огт өөр ойлголттой болсон гэнэ. Харин кино жүжгийн дууг дуулах санал ирэхэд нэлээд судалж байж хариугаа хэлдэг юм байх. “Хоёр цаг гаруй үргэлжлэх киноны үйл явдал, утга санааг би хэдхэн минутаар хэмжигдэх тэр л дуугаар хүмүүст ойлгуулах учиртай. Тэгэхээр би тодорхой хэмжээгээр уг бүтээлд уусан орж, гол дүрийн ертөнцийг харуулах болохоор сайн судалдаг” гэж үүнийг тайлбарлажээ.
Р.Есүй
