Тусгаар тогтнолоо сэргээсний 101 жилийн ойн өдрийг тохиолдуулан өнөөдөр 11.40 цагаас Төрийн ордонд Монгол Улсын Ерөнхийлөгч Ц.Элбэгдорж салбар, салбарын шилдгүүдэд төрийн дээд одон медаль олгож эхэллээ. Эдгээр алдар гавъяатнуудын түрүүч болж 1990-ээд оноос эхлэн өнөөдрийг хүртэл залуусыг байлдан дагуулж буй “Никитон” хамтлагийн дуучин Б.Батчулуун "Монгол улсын урлагийн гавъяат зүтгэлтэн" хэмээх эрхэм цол тэмдэгээр энгэрээ мялаалгалаа.
Тэрээр удам дамжсан уран бүтээлч бөгөөд өвөөг нь Г.Жамъян гэдэг. Төрийн их хуурч, морин хуурын орчин цагийн сургалтыг үндэслэгч, төрийн соёрхолт хүн. Харин аавыг нь Ж.Батсайхан гэдэг ба нэгэн үе байлдан дагуулж байсан “Соёл-Эрдэнэ” хамтлагийн анхдагч юм. Харин урлагийн ертөнцөд үе дамжин зүтгэж буй нь энэ гэр бүлийн үргэлжлэл нь мэдээж бидний мэдэх “Никитон” хамтлагийн дуучин Б.Батчулуун.
“Никитон” хамтлагийнхан урт удаан хугацаанд хамтарч уран бүтээл хийгээгүй ч өнгөрсөн оны дөрөвдүгээр сард фэнүүддээ гэнэтийн бэлэг барьж, тоглолтоо хийсэн юм.
Шинэхэн алдартандаа, уншигч түмнийхээ өмнөөс баярын мэнд хүргье.
Та бүхнийг урлагийн тэнгэр ивээг…
www.urlag.mn
