Нэгэн үе “Үдшээр ” “Чин үнэнчээр” “Өнчин” гэх мэт дуугаараа залуусыг байлдан дагуулж байсан “No name” хамтлаг уран бүтээлдээ эргэн орсон байна. Тус хамтлагийнхан дахин нэгдэж, бүрэн бүрэлдэхүүнээрээ бие даасан цомгийн ажлаа эхлүүлээд байгаа аж.
Шинэ цомгийн дууны тухайд залуусыг сайн сайханд уриалсан, эрч хүч, гоё мэдрэмжийг бэлэглэх уран бүтээлүүд түлхүү багтах бөгөөд одоогоор цомгийн эхний дуу болох “Хөвгүүд том болоогүй” гэх шинэ дууныхаа зураг авалтанд ороод тун завгүй байгаа сурагтай. Мөн энэ долоо хоногт албан ёсоор хоёр шинэ дуугаа цацах бөгөөд дууны талаар хамтлаг одоогоор нууцалж байгаа. Гагцхүү шинэ өнгө төрх, шинэ уран бүтээлийг фенүүд нь хүлээх л үлджээ.
www.URLAG.mn
