БАРУУН АЙМГУУДЫН НУТГААР: Үүлшинэ. Цас орохгүй. Салхи баруунаас секундэд 5-10 метр. Шөнөдөө Завхан голын хөндий, Хүрэнбэлчир орчмоор 23-28 градус, Увс нуурын хотгор, Монгол Алтайн нурууны өвөр хэсэг, Идэр, Тэс голын хөндийгөөр 17-22 градус хүйтэн, Алтайн өвөр говиор 3 градус хүйтнээс 2 градус дулаан, бусад нутгаар 7-12 градус хүйтэн, өдөртөө Завхан голын хөндий, Хүрэн бэлчир орчмоор 3-8 градус хүйтэн, Алтайн өвөр говиор 9-14 градус, бусад нутгаар 3-8 градус дулаан байна.
Зохиогч: Урлаг
Аргын тооллын 3 сарын 29, Буд гараг. Билгийн тооллын 1, Шийдэм одтой, хөхөгчин туулай өдөр. Өдрийн наран 6 цаг 37 минутад мандан, 19 цаг 15 минутад жаргана. Тухайн өдөр хонь, гахай жилтнээ аливаа үйлийг хийхэд эерэг сайн ба могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй.
Нийслэлийн Соёл, урлагийн газар, Д.Нацагдоржийн нэрэмжит Улаанбаатар хотын нийтийн төв номын сантай хамтран “Номоо солилцъё” өдөрлөгийг сар бүрийн эхний долоо хоногийн Бямба гаригт төв талбайд зохион байгуулсаар байгаа билээ.
Хошин урлагийн “Х ТҮЦ” продакшны хамт олон Зэвсэгт хүчний 96 жилийн ой, Монгол цэргийн баярыг тохиолдуулан Онцгой байдлын албаны 200 албан хаагчид “Төсөөллөөс дээгүүр” тоглолтоо өнгөрсөн баасан гаригт үнэ төлбөргүй үзүүлжээ. Аливаа болзошгүй эрсдэл, гамшиг ослын үед байнгын бэлэн байдалд байж, ард иргэдээ аюул ослоос урьдчилан сэргийлж, авран хамгаалж байдаг Онцгой байдлын албыг ард иргэд, төр засаг маань үргэлж дэмжиж байх ёстой. Тэр ч үүднээсээ бид Монгол цэргийн өдрийг тохиолдуулан Онцгой байдлын ерөнхий газрын хамт олонд “Төсөөллөөс дээгүүр” тоглолтоо үнэ төлбөргүй үзүүлж, сэтгэлийн бэлэг барихаар шийдсэн юм хэмээн тус хамтлагийнхан өгүүлсэн.
Реппер Энимэмийн охин Халие өдгөө 21 нас хүрсэн байна. Тэрээр саяхан ахлах сургуулиа төгсчээ. Халие коллежийнхоо сонинд өгсөнд ярилцлагадаа Эцэг эх хоёр нь түүний хамгийн чухал хүмүүс, намайг бүхий л талаар дэмжиж урам хайрладаг” гэжээ. Энимем охиндоо зориулж 2000 онд “халлигийн дуу”, “мокингбирд” зэрэг дууг зориулан гаргаж байжээ. Түүний зургуудаас хамтдаа харцгаая.