Монгол Улсын хүүхэлдэйн театрын уран бүтээлчид энэ 2025 онд Өмнөд Солонгосын Чүнчоны хүүхэлдэйн театртай хамтарсан бүтээл туурвихаар болжээ. Эл ажлын хүрээнд Чүнчоны хүүхэлдэйн театрын театр хариуцсан захирал У Жон Сог, найруулагч Чон Соён нар жүжигчин, дизайнерын хамт Улсын хүүхэлдэйн театрт хүрэлцэн ирж, шинэ уран бүтээлийн ажлаа эхлүүлээд байна.
Зохиогч: Урлаг
Монгол Улсын Гавьяат жүжигчин, УДБЭТ-ын дуурийн гоцлооч Ө.Уянгын төрсөн өдөр өнөөдөр тохиож байна. Хөвсгөл аймгийн Мөрөн сумын уугуул Ө.Уянга СУИС-ийг 2002 онд Гавьяат жүжигчин Д.Бандийн удирдлагад төгсөж, үргэлжлүүлэн ОХУ-ын Новосибирск хотын Глинкийн нэрэмжит Консерватор, Итиалийн Перигуй хотын Хөгжмийн дээд сургуулийг дүүргэжээ. Суралцаж байх хугацаандаа Оросын Ардын жүжигчин Л.Л.Линховойнагийн нэрэмжит олон улсын дуурийн дуулаачдын уралдааны тэргүүн байр, Монгол Улсын Гавьяат жүжигчин Б.Ичинхорлоогийн нэрэмжит мэргэжлийн дуулаачдын улсын уралдааны гранпри шагнал, “Морин хуур” наадмын хоёр удаагийн тэргүүн байр, гурван удаагийн гранпри шагналыг хүртэж байв. Өдгөө сонгодог урлагт дурлагсад түүнийг Б.Шаравын “Чингис хаан” дуурийн Орбай, Хадаан, Ц.Дамдинсүрэнгийн “Учиртай гурван толгой” дуурийн Нансалмаа, Хоролмаа, Х.Билэгжаргалын…
Монгол улсын Төрийн шагналт, Хөдөлмөрийн баатар, Ардын уран зохиолч, Хэл бичгийн ухааны доктор, төр нийгмийн зүтгэлтэн, XX зууны манлай сэтгүүлч Лодонгийн Түдэвийн мэндэлсний 90 жилийн ойд зориулан “Саян” хэвлэлийн газраас их зохиолчийн бүтээлүүдээс дээжлэн эмхэтгэж “Сонгомол бүтээлүүд” 12 ботийг уншигчдад өргөн барьж байна. Гоёмсог хавтас, хайрцаг бүхий эдгээр шилдэг роман, баримтат бүтээл, хүүхдийн зохиол нь эрдэм мэдлэг, монгол ёс заншлаа эрхэмлэдэг айл бүрийн номын санд зайлшгүй байх ёстой бүтээлүүд билээ. Хатуу болон зөөлөн хавтсын хоёр сонголт байгаа бөгөөд зөвхөн багцаар нь худалдан авах боломжтой бөгөөд хатуу хавтастай ботиуд 390.000, зөөлөн хавтастай ботиуд 300.000 төгрөгийн үнэтэйгээр худалдаанд гарчээ.
Бүгд Найрамдах Итали улсын Венец хотноо жил бүр зохион байгуулдаг Венецийн олон улсын кино наадам өнөө жил ирэх наймдугаар сарын 27-ны өдрөөс есдүгээр сарын 6-нд болно. 82 дахь жилдээ болох тус кино наадам нь энэ жил дараах төрлүүдэд доорх хугацааг хүртэл бүтээл хүлээн авна. Үүнд: Бүрэн хэмжээний уран сайхны кино (зургаадугаар сарын 13) Богино хэмжээний кино (тавдугаар сарын 31) Иммерсив төсөл /Immersive Projects/ (тавдугаар сарын 8) Тавигдах шаардлага: Бүрэн хэмжээний уран сайхны кино болон богино хэмжээний кино нь уг кино наадмаар дэлхийн нээлтээ хийх, мөн иммерсив төсөл нь уг кино наадмаар дэлхийн нээлт эсвэл олон улсын нээлтээ хийх, Кино нь 2024…
“Medq” медиа агентлаг дэлгэцийн хоёр дахь уран бүтээлээ энэ сарын 28-наас кинотеатруудаар үзэгчдэд хүргэх гэж байна. Өнгөрсөн 2023 онд “Зүүдний кафе” уран сайхны киног толилуулж байсан тус хамт олон энэ удаа “Шударга луйварчид” хэмээх уран бүтээлийг бодит явдлаас сэдэвлэн бүтээжээ. Киноны үйл явдал шашны нууц бүлэгт хэт донтсоноос болж галзуугийн эмнэлэгт хэвтсэн Улаанаа ээжийгээ өнгөрсөний дараа өөрийнх нь итгэж явсан бүх зүйл худал хуурмаг байсныг ухаарч, өөртэйгөө адил буруу замаар явж буй хөөрхий залуусыг аврахаар тэмцэж эхэлж буйгаар өрнөх аж. “Шударга луйварчид” кинонд Гавьяат жүжигчин О.Гэрэлсүх, жүжигчин Д.Бямбацогт, Б.Сайханбилэг, Н.Анар нар тоглосон байна.
УДЭТ-ын жүжигчин Г.Алтангэрэл, Г.Номуун нар 2023 онд нурван хүүхдийн хамт Улаанбаатар хотоос Баянхонгор аймгийн Галуут сумын Цагаан цохиот хэмээх нутагт шилжин амьдарч, соёлын биет бус өвийг хэрхэн өвлөн авч үр хүүхдүүддээ уламжилж буйг харуулсан 20 ангит нүүдэлчин ахуйн цуврал контентыг бүтээжээ. Энэхүү контент болон “Хөх дөл” төслийн нээлт өнгөрсөн баасан гараг /2025.03.14/-т боллоо. “Хөх дөл” төслийн нээлтэд нийслэлийн Засаг даргын Тамгын газрын төлөөлөл болон нийслэлийн Соёл, урлагийн газрын хамт олон оролцож, нийслэлийн Соёл, урлагийн газрын дарга Э.Цэнд-Аюуш үг хэлсэн юм. Нийслэл Улаанбаатар хотод амьдарч байсан залуу гэр бүл, жилийн дөрвөн улирал, монголын хөдөө тал, малчин ахуйд хэрхэн дасан зохицсон, хэрхэн…
УДЭТ-ын уран бүтээлчид Нобелийн шагналт зохиолч Южин О’Нилийн “Хайлаас модны доор чамайг хүлээнэ” уянгын драмын жүжгийг Төрийн соёрхолт, Урлагийн гавьяат зүтгэлтэн Н.Наранбаатарын найруулгаар энэ сарын 5-наас толилуулж эхэлсэн. Жүжгийн гол дүрүүдэд жүжигчин О.Долгор, Т.Сэргэлэн, Гавьяат жүжигчин М.Түвшинхүү, Б.Баттогтох, Н.Мөнх-Эрдэнэ нар тоглосон юм. Тэгвэл энэ сарын 26-наас тус жүжгийн хоёрдугаар бүрэлдэхүүн тайзнаа гарч эхлэх аж. Тодруулбал, жүжгийн гол дүр Абби Патнамд жүжигчин Д.Асардарь, Эбин Кэботод Т.Намсрай нар тоглох бол бусад дүр болох Эфрайм Кэботод Гавьяат жүжигчин М.Түвшинхүү, Симеон Кэботод Б.Баттогтох, Питер Кэботод Н.Мөнх-Эрдэнэ тоглох юм байна.
Дөрвөн уулынхаа дунд ажиллаж, амьдарч буй нийслэлчүүдийнхээ ажил үйлс, амьдрал ахуйг шашны ном хуран даатгах, цугласан түмэн олондоо ардын сайхан дуу, хуураа эгшиглүүлэх “Хүрээ хөг” шашин, урлагийн дууллыг 2025 оны дөрөвдүгээр сарын 4-ний өдрийн 19:00 цагаас “АСА арена”-д зохион байгуулах гэж байна. Шашны номыг Зүүн хүрээ Дашчойлин хийдийн Хамба лам, Соёлын гавьяат зүтгэлтэн, доктор Ч.Дамбажав тэргүүтэй лам нар унших бол, ардын сайхан дуу хуурыг нийслэлийн “Улаанбаатар” театрын уран бүтээлчид болон Т.Баянжаргал, О.Анхчимэг нар гоцлон хүргэнэ. Шашны ном хурах, ардын урлаг эгшиглэх “Хүрээ хөг” шашин, урлагийн дууллыг нийслэлийн Соёл, урлагийн газрын хамт олон бид Улаанбаатар театр, Зүүн Хүрээ Дашчойлин хийдтэй хамтран…
Өнгөрсөн 2024 оны зун “Disney” компани алдарт “Lilo & Stitch” хүүхэлдэйн киног бүрэн хэмжээний кино болгож хийхээр төлөвлөж буйгаа зарласан. Тэгвэл өнгөрсөн пүрэв гараг /2025.03.13/-т тус бүтээлийн албан ёсны трейлерийг цацлаа. “Lilo & Stitch” уран сайхны киног Крис Сандерс, Дин ДеБлойс нар найруулж буй бол Лилогийн дүрд бяцхан жүжигчин Майя Кило, Лилогийн эгч Нанигийн дүрд залуу жүжигчин Сидней Элизабет Агудон нар тогложээ. Харин өхөөрдөм Стичийн дүрд найруулагч Крис Сандерс өөрөө дуу оруулсан байна. “Lilo & Stitch” уран сайхны киног ирэх тавдугаар сарын 23-ны өдрөөс кино театруудаар нээхээр товлоод буй.
Гүрж гаралтай загвар зохион бүтээгч Демна Гвасалия тансаг зэрэглэлийн загварын ордон “Gucci” брэндийн Уран бүтээл эрхэлсэн захирлаар томилогдлоо. Тэрбээр 2015 оноос “Balenciaga” брэндийн Уран бүтээл эрхэлсэн захирлын албыг хашсан бөгөөд өмнө нь “Vetements” брэндийн Уран бүтээл хариуцсан захирал, “Louis Vuitton” брэндийн загвар зохион бүтээгчээр ажиллаж байсан юм. Демна Гвасалия ирэх долдугаар сард “Balenciaga” брэндийн кутюр загварын шоуг хийсний дараа “Gucci” брэндийн шинэ ажлаа хүлээн авах аж. Тэрбээр энэ талаараа “Gucci” гэр бүлд нэгдэж буйдаа баяртай байна. Олон жилийн турш биширч, хүндэлж ирсэн брэндийнхээ нэг хэсэг болно гэдэг нэр төрийн хэрэг” хэмээжээ. Сонирхуулахад, “Gucci” болон “Balenciaga” брэнд 2021 онд хамтран цуглуулга гаргаж…