“Анир” поп оркестрын ээлжит сонгодог тоглолт “Classic Night with Anir”. Энэ удаагийн тоглолт нь дэлхийн сор болсон хоёр бүтээлийг нэгэн тайзнаа тоглоно гэдгээрээ онцлогтой. Оросын суут хөгжмийн зохиолч, удирдаач, хөгжим судлаач, шүүмжлэгч Николай Андреевич Римский Корсаковын алдарт бүтээл “Шахерезада” симфони сюит болон БНХАУ-ын Хэ Жан Хао, Чен Ганг нарын хамтран бүтээсэн “Хос эрвээхэй” хийл, симфони найрал хөгжимд зориулсан бүтээлүүд нь Өрнө, Дорнын үндэсний хөг аялгууг сонгодог хөгжимд нийцүүлэн зохиогдсон бөгөөд энэ нь хөгжимчнөөс нилээд ур чадвар шаарддаг бүтээлүүд билээ. 90 минут орчим үргэлжлэх энэ тоглолтоос дорнын болон өрнийн соёлын өнгө аяс, хөг аялгууг харьцуулан сонсох болон хөгжимчидийн ур чадварыг харах…
Зохиогч: Урлаг
Дуучин Б.Баярцэцэг бие даасан тоглолтоо 2025 оны гуравдугаар сарын 7, 8-нд “АСА арена”-д хийхээр болжээ. Эмэгтэйчүүдийн эрхийг хамгаалах өдрөөр тоглох түүний тоглолт зөвхөн амьд хөгжимтэй байх ба шинэ болон өөрийн нэрийн хуудас болсон дуунуудаа дуулах аж. Тоглолтын продюсероор TJ international центр болон D Light & shoppy хамтран ажиллаж байна.
Уран бүтээлч О.Алтанхуяг, Н.Насанбат, Ж.Шижирбаатар нарын “Парадокс” хамтарсан үзэсгэлэнг энэ сарын 17-наас 31-нийг хүртэл “В” контемпорари галерейд дэлгэхээр болжээ. Гурван уран бүтээлчийн гурван ертөнц, гурван өөр харах өнцөг, өнөөдрийн нийгмийн хурдацтай өөрчлөлт, шилжилт хөдөлгөөн дундах метрополис хотод амьдарч буй уран бүтээлчдийн нүдээр хэрхэн харагддагийг энэхүү үзэсгэлэнгээс сонирхох боломжтой. Нэг ангийн уран бүтээлчдийн мэдрэмжээс урган гарсан бүтээлүүд өөр өөр бөгөөд үзэсгэлэнд уран бүтээлч О.Алтанхуяг нь сюрреалист уран зургаар оролцож байна. Тэрбээр ланд арт болон орчин үеийн чиглэлээр төгссөнөөсөө хойш тууштай ажилласан. Түүний бүтээлүүд нийгмийн өөрчлөлтөөс болж хувь хүний ухамсарт хэрхэн нөлөөлдгийг илэрхийлдэг. Харин уран бүтээлч Н.Насанбат нь амьдралын хэв маягаас хамааран…
УДЭТ-ын уран бүтээлчид Нобелийн шагналт Х.Пинтерын зохиол, Г.Ган-Очирын найруулга “The Lover: Хайр хэнд хэрэгтэй вэ” жүжгийг ирэх хоёрдугаар сард үзэгчдийн хүртээл болгох гэж буй. Тэгвэл тус театрын зүгээс “The Lover: Хайр хэнд хэрэгтэй вэ” жүжигтэй холбогдуулан үзэгчдийн дунд “Хайр” сэдэвт дөрвөн мөрт шүлгийн уралдааныг зарлажээ. Уралдаанд оролцох заавар: УДЭТ-ын албан ёсны фэйсбүүк хуудсан дахь дээрх постыг like дарж, public тохиргоотой share хийхдээ #TheLover #Хайрхэндхэрэгтэйвэ #УДЭТ гэсэн гурван hashtag ашиглах. “Хайр” сэдэвтэй 4 мөрт шүлэг зохиож, энэхүү постын comment хэсэгт нийтлэх. Нэг хүн хэдэн ч шүлгээр оролцож болно. Шүлгийг өөрөө зохиосон байх ёстой. Хамгийн их Like цуглуулсан эхний гурван оролцогч ялагч…
Монгол Улсаас ЮНЕСКО-ийн Дэлхийн өвд бүртгэгдсэн болон Урьдчилсан жагсаалтад орсон 12.000-1.200 жилийн өмнөх үед холбогдох хадны зургийн дурсгалын дээжээс дэлгэн толилуулж байна. Дээрх үзэсгэлэнг Монгол Улсын Ерөнхийлөгчийн 2017 оны “Хадны зураг, бичээсийг хамгаалах, судлах ажлыг дэмжих тухай” 181 дүгээр зарлигийн хүрээнд 2024 онд ШУА-ийн Археологийн хүрээлэнтэй хамтран Архангай аймгийн Тариат сумын Мөрөн багийн нутагт зохион байгуулсан “Суман голын хадны зураг” эрдэм шинжилгээний хурлын үеэр олон нийтэд дэлгэн танилцуулсан юм. Үзэсгэлэн ирэх хоёрдугаар сарын 14-нийг хүртэл ССАЖЗЯ-ны үзэсгэлэнгийн танхимд үргэлжилнэ.
УДБЭТ-ын уран бүтээлчид энэ амралтын өдрүүдэд буюу нэгдүгээр сарын 18, 19-нд Францын хөгжмийн зохиолч Ф.Херольдын “Дэггүй Лиз” балетыг толилуулах гэж байна. Балетын гол дүр буюу Лиз охиныг Г.Нямцэрэн, Э.Уянга нар “амилуулна”. Сонирхуулахад, “La fille mal gardée” буюу “Дэггүй Лиз” балетыг хамгийн анх 1789 онд Франц улсад тоглож байжээ. Энэхүү балет нь 1765 оны “La réprimande” зурагаас сэдэвлэн бүтсэн түүхтэй. Орчин үеийн балетын урын сан дахь хамгийн эртний бүтээлүүдийн нэгд тооцогддог эл бүтээл өнөөг хүртэл дэлхийн өнцөг булан бүрт тоглогдсоор байгаа юм.
МУЭ-ийн гишүүн, зураач Н.Гүнчинсүрэн бие даасан 10 дахь үзэсгэлэнгээ дэлгэх гэж байна. “Тэмдэглэл-3” хэмээн нэрлэсэн энэ удаагийн үзэсгэлэндээ тэрбээр Зүүн Өмнөд Азийн улсуудаар хийсэн аялалын тэмдэглэлүүдээ дэлгэх аж. Тодруулбал, Тайланд улсын Хатяа хот, Андаман тэнгис, Вьетнам улсын Ханой хот, Камбожи улсын Пномпень хот, Ангкор Ват, Энэтхэг улсын Дарамсала хот, Гималай уул, Таж Махал, Агра хот зэрэг газрууд болон Монгол орны үзэсгэлэнт байгалийн судалбар зургууд бүхий 50 гаруй бүтээлүүдээс бүрдэж байна. “Тэмдэглэл-3” судалбар зургийн үзэсгэлэн энэ сарын 15-21-нд “Монгол” арт галерейн нэгдүнээр давхрын үзэсгэлэнгийн танхимд үргэлжилнэ.
ОХУ-ын Пермь хотын Балетын сургуульд балетын жүжигчин мэргэжил эзэмшсэн Б.Мөнхнаран 2018 онд сургуулиа төгсөөд УДБЭТ-аар овоглож, эл театрын тайзнаа П.И.Чайковскийн “Хунт нуур”, “Цөмөөхөй”, Ф.Херольдын “Дэггүй лиз”, А.Аданы “Жизель”, Ж.Чулууны “Уран хас”, Х.Алтангэрэлийн “Төгсгөлгүй танго”, Л.Минкусийн “Дон Кихот”, “Пахита”, А.Хачатуряны “Спартак”, Л.Делибийн “Коппелия”, Б.Асафьевын “Бахчисарайн оргилолт булаг”, Э.Чойдогийн “Чойжид дагина”, И.Морозовын “Амттаны доктор” зэрэг дэлхийн сонгодог болон үндэсний балетад гол болон туслах дүрүүдийг бүтээжээ. Түүнчлэн Б.Мөнхнаран сүүлийн жилүүдэд дэлгэцийн уран бүтээлүүдэд ч чадварлаг тоглож буй. Тухайлбал, залуу найруулагч Б.Нямтөрийн “Цаггүй амьдрал”, Б.Энхжаргалын “Чи өөрөө хайр”, “Absolute” пикчерсийн найруулагч П.Дэлгэрбаярын “Тойрог” гэх зэрэг уран сайхны кинонд тоглосон юм. Харин тэрбээр яг одоо…
“Чингис хаан” одонт Морин хуур найрлын 2025 оны эхний тоглолт энэ сарын 31-нд болно. Улсын филармонийн концертын танхимд болох уг тоглолтын тасалбарын үнэ 50 000 төгрөг байна. Консерваторын Хөгжмийн ухаан, дуулаачийн сургуулийн захирал, хөгжмийн зохиолч Х.Алтангэрэлийн уран бүтээлүүдийг энэ үдэш эгшиглүүлэх нь. Найрал хөгжмийн удирдаачаар Урлагийн гавьяат зүтгэлтэн Д.Түвшинсайхан ажиллах аж. Ташрамд дурдахад, Морин хуурын чуулгыг өнгөрсөн онд Морин хуурын найрал болгон өргөжүүлсэн билээ.
Өмнөд Солонгосын кино урлагийн шилдгийг шалгаруулдаг “2024 KBS Drama Awards” өнгөрсөн бямба гараг /2025.01.11/-т болж өндөрлөлөө. Тус шагнал гардуулах ёслолоос энэ жил 90 нас хүрч буй жүжигчин И Сүн Жэ карьерынхаа туршид анх удаа “Daesang” шагнал хүртжээ. Тэрбээр “Dog Knows Everything” киногоороо ийнхүү шилдэг жүжигчнээр шалгарсан юм.