Өнөөдөр аргын тооллын 2016 оны зургаадугаар сарын 30. Пүрэв гараг. Билгийн тооллын XVII жарны “Муу нүүрт” хэмээгч Гал бич жилийн Зуны дунд хөх морь сарын 26. Бархасвадь гараг. Гоё хүүхэн одтой, Зургаан цагаан мэнгэтэ, харагчин хонь өдөр.

БАРУУН АЙМГУУДЫН НУТГААР: Үүлшинэ. Нутгийн зүүн хэсгээр бороо орно. Дуу цахилгаантай. Салхи баруун хойноос секундэд 5-10 метр. Алтай, Хангайн уулархаг нутгаар шөнөдөө 4-9 градус, өдөртөө 16-21 градус, Алтайн өвөр говь болон Их нууруудын хотгороор шөнөдөө 13-18 градус, өдөртөө 28-33 градус, бусад нутгаар шөнөдөө 8-13 градус, өдөртөө 19-24 градус дулаан байна.

Өнгөрсөн жилийн Дэлхийн цомын тэмцээнд ОУХМ М.Анхцэцэг анх удаа оролцохдоо огцом өргөлтөөр 112 кг өргөж, IV байрт шалгарч байсан билээ. Харин тус тэмцээнээс хүрэл медаль хүртсэн Грекийн тамирчин А.Ефтикиа саяхан авсан сэргээшийн шинжилгээнд бүдэрч, медалиа хураалгав.

Ийнхүү “Рио-2016” олимпийн эрх аваад буй М.Анхцэцэг Дэлхийн цомоос медаль хүртсэн анхны Монгол тамирчин болж, бас нэгэн түүхэн амжилтын эзэн боллоо.

Маск – “Хадлан” /Хошин шог/

“Чи ч наснаасаа хамаагүй залуухан харагдах юмаа” гэж сонсохыг хүсдэггүй хэн байх билээ. Харин үүний тулд чи юу хийж чадах вэ?

Үе үе сүнс үзэгддэг гэх хамгийн алдартай зочид буудлуудын жагсаалтыг гаргасан байна. Уг жагсаалтад Европ, Америк, Ази, Австралийн зочид буудлууд багтжээ. Тэдгээрийн дотор Английн Суррэй гүнлигт орших Oatlands Park Hotel байгаа юм. Энэ буудлыг XVI зуунд баригдсан нэгэн ордны суурин дээр байгуулжээ. Эзэн хаан VIII Генрих өөрийн эхнэр Анна Клевскаяд зориулж тэр ордныг барих тушаалыг гаргасан гэдэг. Дээрх зочид буудлын хонгилоор тэр “Саарал хатагтай”-н нөхөрсөг сүнс үе үе харагддаг байна. Домог яриагаар бол тэрхүү сүнс нэгэн ажилтан эмэгтэй нь дурлалт эртэйгээ муудалцаад цамхагийн цонхоор үсэрч амиа хорлосны дараагаар гарч ирсэн аж.

Германы Минден хотод өнгөрсөн жилийн аравдугаар сард дүрвэж ирсэн ирсэн 25 настай залуу 150 мянган евро буюу 166 мянга гаруй доллар олсоноо, орон нутгийн албаны хүмүүст хүлээлгэн өгсөн байна. Нэр нь үл мэдэгдэх Сири залуугийн ярьснаар буяны байгууллагаас өгсөн хуучин аяга тавагны шүүгээн дотор тэр их хэмжээний мөнгө байсан гэнэ. Миндений цагдаагийнхны мэдээлснээр Сири залуу хандивын шүүгээг угсарч байтал 50 мянган евро бэлнээр, 100 мянган еврогийн хадгаламж бүхий банкны дэвтэр гарч ирсэн аж.