Сүүлд нэмэгдсэн

Киргизстан Улсад жил болгон зохион байгуулагддаг “Дэлхийн нүүдэлчдийн наадам” энэ өдрүүдэд зохион байгуулагдаж байна. Тус наадамд төв азийн бүсэд орших Киргизстан, Казахстан, Азербайжан, Узбекистан, Туркменистан, Тажикстан, Турк, Афганистан болон Монгол зэрэг нүүдэлчин соёл уламжлалтай улс орнуудын оролцдог аж. Морины уралдаан, нум сум, Бүргэдээр агнах зэрэг нүүдэлчин соёлтой ард түмний уламжлалт соёл болон спортоор өрсөлдөхөөр 77 орны 7200 гаруй үндэсний болон ардын урлагийнхан, тамирчид чуулжээ. Уг наадам нь Киргизстан улсын Чолпон-Ата хотод гуравдах удаагаа зохион байгуулагдаж байгаа бөгөөд есдүгээр сарын 2-8 хооронд болж байна.

Монголын Урчуудын Эвлэлээс Монгол Улсын Ерөнхийлөгчийн ивээл дор “Улаанбаатар-2018 Олон улсын дүрслэх урлагийн наадам”-ыг 2018 оны 09 дугаар сарын 05-12-ны хооронд Монгол Улсын нийслэл Улаанбаатар хотноо зохион байгуулж байгаа билээ. Тэгвэл өнөөдөр тус наадмын нээлтийн үйл ажиллагаа зохион байгуулагдлаа. Тус наадам нь дүрслэх урлагаар дамжуулан олон нийт болон залуу үеийнхний урлаг соёлын боловсролыг нэмэгдүүлж, Монгол Улсын Дүрслэх урлагийг дэлхий нийтэд сурталчлан таниулах үндсэн зорилготой бөгөөд олон улсын уран бүтээлчдийн бүтээлүүдээс эх орондоо дэлгэн үзүүлснээр улс орнуудын урлаг соёлын ялгааг дүгнэн харах боломж нээгдэж байгаагаараа онцлог юм.

Засгийн газрын хэрэгжүүлэгч агентлаг Соёл, урлагийн газар нь “Бүс ба зам” хөтөлбөрийн хүрээнд БНХАУ-ын Үйлдвэр, мэдээллийн яамны дэргэдэх Соёл урлагийн төв болон И Ли мужийн Өв соёлын газар, ОХУ-ын Буриад Улсын Үндэсний музей, Монгол Улсын Уран зургийн галарейтэй хамтран “Торгоны зам – вааран урлал” олон улсын үзэсгэлэнг энэ оны 9-10 дугаар сард зохион байгуулахаар бэлтгэл ажлыг хангаж байна.