Хэдэн жилийн емнө “Зууны манлай” эстрадын дуучин МУГЖ Б.Сарантуяад Б.Ангирмаа тэргүүтэй найз нөхөд нь бяцхан сюрприз барин Swarovski үнэт чулуун шигтгээтэй дижитал микрофоныг бэлэглэсэн билээ. Олон мянган долларын үнэтэй, гоёмсог дуугаралттай тэрхүү микрофоныг төрсөн өдрийнхөө баяраар бэлгэнд авсан поп Сараа үнэхээр их баярлаж, өдгөө хаа ч явсан түүнийгээ авч явдаг болжээ. Тэрхүү микрофоноор дэлхийн томоохон одод дуулж, үзэгч олонд ая дуугаа өргөдөг бөгөөд дуучин Б.Сарантуяад битүүхэн атаархах дуучид чамгүй олон болсон юм.Тэгвэл түүний микрофоныг давж гарахуйц нэгэн микрофоныг удахгүй МУГЖ Ж.Алтанцэцэг барих бололтой. Бидэнд олдсон мэдээллээр дуучин Алтаагийн дотны нөхөр түүнд алтадмал, Swarovski шигтгээ бүхий микрофон бэлэглэхээр зэхэж байгаа аж. Нарийн ур чадвар шаардсан энэ микрофоныг бүтээх хүн олдсон бөгөөд нэлээн өндөр үнэ хөлстэйгээр энэ ажлыг авсан гэнэ шүү. Удахгүй бид гоёмсог дуугаралттай алтаар бүрсэн микрофоноор гангарах дуучинтай болох нь ээ.
www.URLAG.mn
