Урлаг судлалын ухааны доктор, профессор, зураач, уран барималч С.Бадралын хувийн цуглуулгаар байгуулсан “Чингис, Монголын өв соёл” музейн сан хөмрөгөөс Өндөр Гэгээн Занабазарын оюун санааны өв болох судар ном, соёмбо үсгийн дурсгалууд, Жанлав Цогзол судрын хувилбарууд, хөрөг зургууд, эд зүйлс, Бурханы шашны холбогдолтой дурсгалуудыг багтаасан мянга орчим биет үзмэрүүдийг, Халхын Анхдугаар Богд Жавзандамба хутагт, Өндөр Гэгээн Занабазарын мэлмий гийсний 390 жилийн ойг тэмдэглэх ажлын хүрээнд соёлт үзэгч судлаачид, уран бүтээлчдэдээ дэлгэн толилуулж байна. Тус үзэсгэлэнг Г.Занабазарын нэрэмжит Дүрслэх урлагийн музейн ивээлээр гаргаж судалгааны эргэлтэд оруулж цаашид ном болгон хэвлэх юм. Үзэсгэлэнд тавигдах бүтээлүүд нь Бурхан шашны олон төрөл зүйлийг хамаарахын зэрэгцээ…
Зохиогч: Урлаг
“Моушн Монголиа” олон улсын орчин үеийн бүжгийн дөрөв дэх удаагийн наадам энэ сарын 14-20-нд болно. Энэ удаагийн наадмын зорилго нь мэргэжлийн урлагийн байгууллагын урын санг орчин үеийн бүжгийн төрлөөр баяжуулах, уран бүтээлчдийн хамтын ажиллагааг өргөжүүлэх, олон нийтийн урлагийн боловсролыг дээшлүүлэхэд чиглэж байгаа юм. Наадмын хүрээнд И.Ф.Стравинскийн “Ариун хавар” балетыг бүжиг дэглээч Б.Одбаяр “Улаанбаатар” театрын бүжигчидтэй хамтран орчин үеийн тавилтаар дэглэж, “Хангарди” үндэсний хөгжмийн найрал, удирдаач Б.Эрхэмбаяр удирдана. Мөн ХБНГУ-ын бүжиг дэглээч Фабиан Коннын “Тойрог зам” орчин үеийн бүжгийг УДБЭТ-ын балетын жүжигчидтэй хамтран дэглэх юм. Энэхүү бүтээлүүд нь монголын орчин үеийн бүжгийн урын санг баяжуулж буйгаараа онцлогтой. Наадмын хөтөлбөрт мэргэжлийн бүжигчдэд зориулсан сургалт, мастер класс…
“Жийж” продакшны бүтээл “Цөвүүн цаг” түүхэн уран сайхны кино нээлтээ хийснээсээ хойш шуугиан дэгдээж, үзэгчдийг байлдан дагуулж, өчигдөр /2025.04.10/-ийн байдлаар 161,038 үзэгчдэд кинотеатраар хүрээд байна. Харин энэ удаа тус уран бүтээлийн гол дүр болох Цэнд бүсгүйн дүрд тоглосон залуу жүжигчин М.Булганчимэгийг онцолъё. М.Булганчимэг Ховд аймагт төрж, өсжээ. Ахлах сургуулиа Ховд аймгийн “Прогресс” сургуулийг төгссөн бөгөөд өдгөө СУИС-ийн Театрын урлагийн сургуулийн гуравдугаар дамжааны оюутан аж. Ардын жүжигчин С.Сарантуяагийн шавь. “Цөвүүн цаг” уран сайхны кино нь түүний тоглосон анхны уран бүтээл бөгөөд эл кинонд тоглох саналыг багшаасаа авсан байна. Дэлгэцийн уран бүтээлийн анхны гараагаа ийнхүү амжилттай тавьсан түүний гоо үзэсгэлэн, авьяас чадварыг…
Гавьяат жүжигчин, дуучин Ч.Бат-Эрдэнэ СУИС-ийн захирлын түр орлон гүйцэтгэгчээр томилогджээ. Тус сургуулийн захирлаар ажиллаж байсан Э.Сонинтогос тэтгэвэртээ гарч, ийн түүнийг томилсон байна. Ч.Бат-Эрдэнийн хувьд урлагийн карьераасаа хэсэг хугацаанд завсарлага авч, Ирланд улсад урлагийн менежмент чиглэлээр суралцжээ. 2021 онд МУЭИС-д докторын зэрэг хамгаалсан тэрбээр СУИС-д 2014-2017 онд СУИС-ийн Дэд захирлаар ажилласан. Үүний дараа буюу 2017 оноос СУИС-ийн Бүжгийн урлагийн сургуулийн захирал, 2019 оноос хойш нийслэлийн Соёл, урлагийн газрын даргаар тус тус ажиллаж байсан юм.
Өнгөрсөн гуравдугаар сарын 29-нд БНХАУ-ын Бээжин хотод хөөмийн уралдаан болжээ. Уг уралдаанд Минзү их сургуулийн оюутан, н.Анхбаяр түрүүлсэн байна. Тэрбээр “China Daily” сонинд ярилцлага өгөхдөө “Уртын дуучин болно” гэжээ. Тус уралдаанд Өвөр Монголын Шилийн гол аймаг, ОХУ-ын Тувагийн ардын урлагийн өв тээгч залуус, хөөмий сонирхогч хятад хүмүүс ч оролцсон байна.
Монгол Улсын Хөдөлмөрийн баатар, Төрийн шагналт, Ардын жүжигчин Ц.Гантөмөрийн мэндэлсний 90 жилийн ой тохиолоо. Энэ хүрээнд Монголын театрын музей, Улсын драмын эрдмийн театр болон Ц.Гантөмөр агсны гэр бүл, үр хүүхдүүд хамтран эрдэм шинжилгээний бага хурал, үзэсгэлэн, “Жүжигчний ном”-ыг олны хүртээл болгожээ. Үзэсгэлэнд Монголын театрын музейд хадгалж буй 40 гаруй фото болон уран зураг, сонин, одон медаль, үнэмлэх, хувцас, хөөрөг, аяга зэрэг эд зүйлсийг дэглэн үзүүлж байна. Эрдэм шинжилгээний хурлын үеэр СУИС-ийн ТУС-ийн захирал Д.Даваасүрэн хэлэхдээ, “Ц.Гантөмөр багшийнхаа тайз, дэлгэц, радиод хийж бүтээсэн ажлыг ярих болсондоо баяртай байна. Энэхүү хурал нь Ц.Гантөмөр гэдэг хүнийг нээж судалбал юунд анхаарал хандуулах ёстойг хойч үеийнхэндээ…
Лос-Анжелесаас гаралтай алдарт рок хөгжмийн хамтлаг “Maroon 5” тун удахгүй шинэ цомгоо сонсогчдын хүртээл болгох гэж байна. Тодруулбал, хамтлагийн ахлагч, гоцлол дуучин Адам Левин уржигдар /2025.04.08/ “Tonight Show” нэвтрүүлэгт оролцож байх үедээ энэ талаар хуваалцжээ. Нэвтрүүлгийн хөтлөгч Жимми Фаллон түүнээс тун удахгүй шинэ уран бүтээл туурвина гэж сонссон хэмээн асуухад Адам Левин “Тийм ээ, тэр цуурхал бол үнэн шүү. Би дэлгэрэнгүй мэдээлэл задруулж болохгүй ч энэ сарын сүүлээр бид шинэ дуу цацах болно. Мөн ирэх зун шинэ цомгоо сонсогчдын хүртээл болгоно. Цаашлаад ирэх намар аялан тоглолт хийхээр төлөвлөж байна” хэмээн хуваалцаж, шүтэн бишрэгчдээ баярлуулаад амжсан байна. Хамгийн сүүлд “Maroon 5″…
Өнгөрсөн онд “Dune: Part two” уран сайхны кино үзэгчдийн хүртээл болсон эхний долоо хоногтоо 81.5 сая ам.долларын ашиг олж, тухайн жилийнхээ “Оскар”-ын наадамд дөрвөн төрөлд нэр дэвшиж, хоёрт нь ялалт байгуулан гайхалтай амжилтыг үзүүлсэн. Харин кино дэлгэцнээ гарч дууссаны дараа найруулагч Дени Вильнёв тус бүтээлийн үргэлжлэл анги болох “Dune: Messiah” уран сайхны кино хийгдэхээр болсон талаар албан ёсоор мэдэгдсэн юм. Шинэ ангийн гол дүрүүдэд мэдээж жүжигчин Тимоти Шаламе болон Зендея нар тоглох бөгөөд мөн Жейсон Момоа, Флоренс Пью, Аня Тейлор-Жой нар эргэн ирэх нь батлагдсан. Тэгвэл “Variety” сэтгүүлийн зүгээс найруулагч Дени Вильнёв жүжигчин Роберт Паттинсоныг “Dune” бүтээлийн гуравдугаар ангид эсрэг…
Дуучин О.Энх-Эрдэнийн төрсөн өдөр өнөөдөр тохиож байна. 20 насандаа “Авьяаслаг монголчууд” шоуны ялагч болсон О.Энх-Эрдэнэ түүнээс хойш дэлхийн хэмжээний томоохон шоунуудад урилгаар оролцсоор байгаа юм. Хамгийн сүүлд тэрбээр “America’s Got Talent: Fantasy League” шоунд оролцон, шүүгчдийг гайхшруулсан. Мөн Малайз улсын нийслэл Куала Лампур хотод болсон Азийн салбар бүрт амжилттай явж буй шилдгүүдийг тодруулан алдаршуулдаг “The knights award” арга хэмжээнд оролцохоор шалгарч, эл том арга хэмжээний тайзнаа шагнал гардан авсан юм. Багаасаа гитар тоглож, дуулж эхэлсэн О.Энх-Эрдэнэ өдгөө “New nomads records” лейблтэй хамтран ажилладаг. Тэрбээр 2023 онд “Арван тавны сар”, “Epilogy”, “Зүрхний хайр” зэрэг есөн дуутай “Амьдрал баян” нэртэй цомог гаргасан.…
Монголын кино театруудын менежментийн холбооноос кинотеатруудаар үзэгчдийн хүртээл болгож буй Монгол уран бүтээлүүдийн нээлтийн үзвэрийн тоог төдийгүй тухайн уран бүтээлүүдийн долоо хоног, нэг сар, улирлын үзэлт болон нийт үзэгчдийн тоог гаргаж, олон нийтэд танилцуулдаг. Тэгвэл өнгөрсөн гуравдугаар сарын 6-нд нээлтээ хийсэн “In da House 3: in Korea” сайхны кино нээлтээ хийсэн эхний дөрөв хоногтоо 40.625 үзэгчдэд кинотеатраар дамжин хүрсэн бол өнөөдөр /2025.04.10/ эл уран бүтээлийг кинотеатрт үзэгчдийн тоо 150 мянга давжээ.