Кино жүжгийн дуугаар уран бүтээлээ үргэлжлүүлж яваа Соёлын тэргүүний ажилтан, дуучин С.Сэрчмаа тун удахгүй студиэ нээх нь. Өөрийнхөө нэрээр нэрлэсэн энэхүү студидээ тэрбээр рок попын уран бүтээлчдээс гадна шинэ залуу хамтлаг, дуучдыг урих аж. Уг студийн онцлог нь дуу бичлэг, клип хийхээс гадна шоу тоглолт зохион байгуулах, уран бүтээлчдэд зориулсан гоёлын тасаг бүхий дэлгүүртэй байх гэнэ.
Ангилал: Одод
Мөн энэ ондоо багтаан “Нохойн сүрэг”, “Ромео, Жульетта” гэсэн хоёр ч жүжиг найруулахаар төлөвлөжээ. Тэрбээр “Ромео, Жульетта”-г зөвхөн монголчуудад зориулж бус, дэлхийн театрын хамгийн том фестиваль болох Францын Авинионы наадамд оролцох зорилго өмнөө тавьсан тухайгаа ярьсан.
Улсын наадмаар энгэрээ цоолж гавьяатын тэмдэг зүүсэн Ж.Алтааг фенүүд нь ахмад дуучин боллоо хэмээн ам уралдан ярьж байна. Хийсэн бүтээснээрээ Б.Сараа, Т.Ариунаагийн зиндаанд хүрэхгүй ч гэлээ Монголын рок попын хөгжлийг энэ цаг үед авч явахад Pro Sound студиэрээ дамжуулан шинэ залуу уран бүтээлчдийг 100 хувь дэмжиж байгаад нь Соёлын яамгүй манай улс хувь уран бүтээлчдээ гавьяат зэргийн тэмдгээр урамшуулахаас ч өөр яахав дээ.
“Хар сарнай” хамтлагийн дуучин С.Амараа 47 кг-ийн чөлөөт бөхийн алтан медальтай гэвэл та итгэх үү?
Тэгвэл энэ үнэн гэнэ шүү. Дуучин С.Амараа багадаа чөлөөт бөхөөр хичээллэж, дархан аварга Х.Баянмөнхийн шавь байсан аж. Хэрэв дуучин болоогүй бөхөөрөө үргэлжлүүлэн хичээллэсэн бол бас л шаггүй амжилт үзүүлэх байсан хэмээн дархан аварга Х.Баянмөнх ярьдаг юм билээ. Энэ талаараа дуучин залуу хэлэхдээ “Би чинь одоо бүжигчин хүн гэхэд бас барилдаж үсэн тал байлаа шүү. Б.Гантогтох ч санаж байгаа. 23-р сургуульд тавдугаар ангид байхад Баянмөнх гуай дасгалжуулаад би 47 кг-д чөлөөт бөхөөр алтан медаль авч байлаа. Гэхдээ би урлагийн амьдралыг сонгосон. Энэ сонголтдоо хэзээ ч харамсч байсангүй ээ” хэмээн тайлбарлажээ.
Сонгодог урлагийн олимп буюу П.И.Чайковскийн нэрэмжит олон улсын уралдаанаас мөнгөн медаль хүртэж, Үндэсний их баяр наадмын өмнө Монгол Улсын гавьяат жүжигчин болсон ДБЭТ-ын гоцлооч Э.Амартүвшин энэ сарын 19-25-нд Норвегийн Осло хотноо дахин ур чадвараа сорилоо. Энэ уралдаанд оролцохын тулд 43 орны 200 гаруй дуучин материал, видео бичлэгээ илгээснээс 21 орны 52 гоцлооч эрх авсан юм.
Г.Анхмаа үрийн зулай үнэрлэн, ээж болж, гэр бүлдээ ихэнх цаг заваа зарцуулах болсон. Түүний араас Х.Ану ч хайртай залуутайгаа учирч, мөн л хөл хүнд болжээ. Одоо харин Сологийн хувьд УИХ-ын гишүүн асан Г.Батхүүгийн бага хүүтэй хайрын романс үүсгэн, аз жаргалдаа умбаж яваа билээ.
Реппер Gee-ийн шинэ уран бүтээл удахгүй гарах гэнэ. Уран бүтээлээрээ өөрийгөө илэрхийлдэг реппер энэ удаад Түй Май гэсэн нэртэй дуугаа хүргэх аж. Үндсэрхэг үзэлтэй Gee-ийн биен дээр нийт 12 шивээс байдаг. Цаашид энэ тоогоо нэмж магадгүй гэнэ. Мэдээж шивээс бүр утга учиртай гэнэ.
Гранж рок “Нисванис” хамтлаг бүрэлдэхүүндээ өөрчлөлт оруулж, шинэ уран бүтээлдээ ирэх намраас орохоор төлөвлөөд байна. Гэтэл саяхан тус хамтлагийн ахлагч Л.Энх-Амгалангийн бие гэнэт муудаж гэрээсээ эмнэлэгт хүргэгджээ. Түүний бие яагаад муудаж аль эмнэлэгт хэвтсэн талаар найз нөхөд нь болоод фэнүүд нь гэр бүлийнхнээс нь асуусан хэдий ч бүгдийг нууцлахаар шийджээ.
Монголын рок поп урлагт томоохон тэсрэлт хийсэн 25-р суваг телевизийн “Making the band” шоу нэвтрүүлгээс Extacy хэмээн охидын хамтлаг бий болсон. Тус хамтлагийн экс гишүүн Жасмин буюу Жавзандулам удахгүй үрийн зулай үнэрлэх аж. Тэрбээр үндэсний үйлдвэрлэгч “Витсамо фрут жүүс” ХХК-ийн захирал Ц. Очирхуягийн хүү О. Ишсугартай үерхдэг байжээ.
Солонгорсон өнгө бүхий содон чамин хувцасаар хослон, рок попын ертөнцөд орж ирсэн “Гала”-гийн охид өрх тусгаарлаад удаж буй. Дуучин Ч.Ану “Ганц дайчин ганцаардахгүй” гэгчээр уран бүтээлээ туурвин, аялгуут дуугаараа үзэгчдээ баясгаж яваа.