Сониноос, өчигдөр ёстой гоё юм сураад. Та нарт зааж өгөх үү? Хүлээн авалт хийх боллоо гэж бодьё. Гэтэл орох хүсэлтэй хүн их олон, харин танд маш цөөн урилга, бас заримыг нь зарчихмаар байдаг … Тэгвэл ингэ, хүссэн бүх хүмүүст хүлээн авалтын урилга өг. Бүгд сэтгэл хангалуун, нэгт ёслолын ажиллагаа чинь дүүрэн хүнтэй байх болно, хоёрт та ч мундаг тусч сахиулсан тэнгэрийн дүрээр хүмүүст хайрлагдана.

“Түмэн Эх” чуулгын ардын урлагийн тоглолт болно
5-р сарын 1-ээс 9-р сарын 30 хүртэл өдөр бүр 18:00 цаг, 10 сарын 1-ээс эхлэн Даваа, Мягмар, Лхагва, Пүрэв, Баасан гарагуудад 18:00 цагаас тоглох гэж байна.

21 аймгийн шилдэг уран бүтээлчдийн “Их урлаг” нэгдсэн тоглолт энэ сарын 9, 10-ны өдрүүдэд СТӨ-нд болохоор болжээ. Тус тоглолтод 21 аймгийн 190 орчим уран бүтээлч оролцож, нийслэлчүүдэд авьяас билгээ сонирхуулах гэнэ.

Монголын Үндэсний музей “Монгол төрийн мэргэн өвөө” үзэсгэлэн нээлтээ хийлээ. Тус үзэсгэлэн БНМАУ-ын Ардын Их Хурлын Тэргүүлэгчдийн дарга Жамсрангийн Самбуугийн мэндэлсэний 120 жилийн ойд зориулсан бөгөөд Монголын Үндэсний музей, Самбуу сантай хамтран олон нийтэд толилуулж байгаа юм байна.

Эх болсон байгальтайгаа зүй бусаар харьцсан болон дэлхийн дулаарал, цөлжилтийн уршгаар жил ирэх тусам олон гол мөрний урсац, нуур цөөрмийн усны түвшин нь багассаар байгаа билээ.

06 сарын 08-нд болох үзвэрүүд

СТӨргөөнд – 19:00 цагт Их урлаг 21 аймгийн 160 уран бүтээлчийн тоглолт

Түүхийн музейд – Монгол төрийн мэргэн өвөө үзэсгэлэн

Түмэн эх чуулгат – 18:00 цагт Түмэн эх чуулгын ардын урлагийн тоглолт

Блү мон арт галлерей – “Өнгөт гэрэл-3” уран зургийн үзэсгэлэн

Өнөөдөр аргын тооллын 2015 оны зургаадугаар сарын 8. Даваа гараг. Билгийн тооллын XVII жарны “Галзууруулагч” хэмээгч модон хонин жилийн зуны тэргүүн цагаагчин могой сарын 21. Сумъяа гараг. Тооно одтой, 7 улаан мэнгэтэй хөхөгчин туулай өдөр.

2015 оны зургаадугаар сарын 08-ны 09 цагаас 21 цаг хүртэл: Ихэнх нутгаар солигдмол үүлтэй. Баруун болон төвийн нутгийн зарим газар, зүүн зүгийн нутгийн хойд хэсгээр бороо орно. Дуу цахилгаантай. Салхи хойноос секундэд 5-10 метр, зарим газраар секундэд 12-14 метр хүрч ширүүснэ. Хангай, Хөвсгөл, Хэнтэйн уулархаг нутгаар 10-15 хэм, Говийн бүс нутгийн өмнөд хэсгээр 20-25 хэм, бусад нутгаар 15-20 хэм дулаан байна.

Монголын үндэсний кино урлагийн академиас Монголын киног дэлхийн түвшинд хүргэх зорилготой зохион байгуулагддаг академийн дээд шагнал гардуулах ёслол энэ сарын 7-нд болох гэж байна. Энэ удаагийн наадам шинээр нээлтээ хийж буй Шангри Ла зочид буудалд зохион байгуулагдана.

Монголын үндэсний кино урлагийн академи нь дотооддоо кино урлагаа хөгжүүлэх цаашлаад дэлхийн түвшинд хүрсэн чансаатай уран бүтээлүүдийг гаргах мөн киногоор дамжуулан үндэсний онцлог, соёл, түүхийг олон нийтэд таниулах зорилгоор 2008 онд үүсэн байгуулагдсан юм. Тэгвэл тус академиас жил бүр зохион байгуулагдсаар ирсэн академийн дээд шагнал гардуулах ёслол хүндэтгэлийн ажиллагааг 4 жил дарааллан зохион байгуулсаар ирсэн байна.