XVII жарны хөхөгчин могой жилийн сар шинийн баярыг тохиолдуулан Монголын үндэсний музей, “Дуут урлан” ХХК-тай хамтран “Сар шинийн үнэт бэлэг-Өв тээсэн үнэ цэн” үзэсгэлэнг өнгөрсөн долоо хоног /2025.02.10/-т нээсэн. Үзэсгэлэнгийн нээлтэд Монголын үндэсний музейн захирал Б.Сарантуяа, Монгол Улсын Ерөнхийлөгчийн Тамгын газрын дарга, Монголын шатрын холбооны ерөнхийлөгч Г.Занданшатар, “Дуут урлан” ХХК-ийн захирал Д.Баярхуяг нар оролцсон юм. Тус үзэсгэлэнд Монголчуудын уламжлалт соёлын өв дурсгал, тухайлбал, монгол шатар, сав суулга, халх эхнэрийн толгойн гоёл зэрэг бүтээлийг монгол уран дархны уламжлалт арга болон орчин үеийн технологийн дэвшил инновац шингээн бүтээсэн 30 гаруй бүтээлийг дэлгэж байгаа аж. “Дуут урлан” ХХК нь 33 жилийн хугацаанд ур,…
Зохиогч: Урлаг
ОХУ-ын уран гулгагч Евгения Медведева өөрийн гэсэн мөсний үзүүлбэртэй хавар Монголыг зорих гэж байгаа талаар тус улсын bookmaker вебсайт мэдээллээ. Тодруулбал, уран гулгалтын эмэгтэйчүүдийн ганцаарчилсан төрөлд дэлхийн хошой аварга Евгения Медведева энэ оны тавдугаар сард Монгол Улсын нийслэл Улаанбаатарт зочлохоор төлөвлөж байгаа аж. Тэрбээр тавдугаар сарын 24, 25-нд “Степпе Арена”-д тоглолтоо хийх аж. Түүний тоглолтод Олимпийн аварга Алексей Ягудин, дэлхийн аварга Елизавета Тукатмышева, София Самодурова зэрэг олон алдартай уран гулгагчид оролцох юм байна. Евгения Медведева тус тоглолтдоо зориулан бүжиг дэглээч Даниил Глейхенгауз, дасгалжуулагч Этери Тутберидзе нартай хамтран шинэ үзүүлбэр бэлтгэх аж.
Осакагийн Азийн олон улсын кино наадам ирэх гуравдугаар сарын 14-23-нд Японы Осака хотод болно. 20 дахь удаагаа болох эл наадмын уралдаант хэсэгт найруулагч Ж.Сэнгэдоржийн “Silent city driver” буюу “Чимээгүй хотын жолооч” кино өрсөлдөхөөр шалгарсан байна. Тус кино нь өнгөрсөн оны арваннэгдүгээр сард дэлхийн кино урлагийн А зэрэглэлийн фестиваль болох “Talling black night film festival”-д гранпри шагнал болон шилдэг зураачийн шагнал тус тус хүртэж байв. Мөн “Asian movie pulse” вэбсайтаас 2024 оны шилдэг 30 ази кино жагсаалтыг гаргахад эл жагсаалтын 22-т “Чимээгүй хотын жолооч” кино жагссан юм. “Чимээгүй хотын жолооч” киног ирэх онд эх орондоо нээх хийх бөгөөд бүх кинотеатраар гаргах аж.
Хайр яг салхи шиг. Чи харахгүй ч мэдэрч чадна… Биес нь хол ч сэтгэл нь хажууд байх ийм нэгэн хайрын түүх, халуун гарт нь хүрэх гэж тэмүүлэх тийм нэгэн хүсэл зоригийг өгүүлэх “Зүрхний Сараан” Монголын уран сайхны кино тун удахгүй үзэгчдэд хүрэх гэж байна. Тус кинонд Монгол, Бмнөд Солонгосын уран бүтээлчид хамтран тоглон, хоёр улсад зураг авалт хийжээ. Кинонд нэгэн тивд оршиж байгаа ч хоёр өөр улсын соёл, хүмүүсийн харилцаа, байгалийн гайхамшгийг үзэсгэлэнтэйгээр харуулахаас гадна хайр ямар хүчтэй вэ гэдгийг харуулах болно. Хөнгөн, хөгжилтэй, сонирхолтой, хэний ч санаанд оромгүй өрнөлтэй тус кино нь хоёрдугаар сарын 21-нээс кинотеатруудын дэлгэцнээ гарч эхлэх…
Бид амьдралынхаа турш ханилсан хүнээ эхнэр, нөхөр гэдгээр нь мэдэхээс биш, тэдний дотоод хүсэл эрмэлзэл, гал цогтой мөрөөдөлд тоомжиргүй ханддаг юм биш биз. Магад энэ харалган байдлаа хайр сэтгэлтэйгээ хутгаж, хамтын амьдралаа зөвхөн нэгнээ эзэмших хүсэл болгоод, дэргэдэх ханийнхаа амрагийн дүрд тоглодог хүүхэлдэй болж хувирах нь харамсалтай биш гэж үү. Ричардыг ажилдаа явахад Сара өдрийг нууц амрагтайгаа өнгөрүүлэх тухай хэлнэ. Ажлаа тараад гэртээ ирсэн Ричард, Сара хоёрын дэндүү задгай, хэтэрсэн гэмээр тоглоом ингээд эхэлж байна. Их Британийн найруулагч, Нобелийн утга зохиолын шагналт Харольд Пинтерийн “The Lover” жүжгийг УДЭТ-ын тайзнаа өнгөрөгч арваннэгдүгээр сард анх толилуулж байв. Харин өнгөрөгч лхагва гарагт дахин…
Өмнөд Солонгосын алдарт жүжигчин И Бён Хун дэлгэцийн шинэ уран бүтээлээр үзэгчидтэй “уулзах” гэж байна. Тэрбээр энэ удаа “The Match” буюу “Тоглолт” хэмээх бүрэн хэмжээний уран сайхны киноны гол дүрд тогложээ. Энэхүү уран сайхны кинонд Өмнөд Солонгосын Го даамын агуу домог Чо Хун Хёны амьдралын түүхийг өгүүлэх аж. Тодруулбал, жүжигчин И Бён Хун даамын мастер Чо Хун Хёны дүрийг бүтээсэн бөгөөд киноны албан ёсны постер зургийг олны хүртээл болгоод байна. “The Match” киног найруулагч Ким Хён Жү найруулсан бөгөөд энэхүү уран бүтээл гуравдугаар сарын 26-нд кинотеатруудад нээлтээ хийхээр товлогджээ. Сонирхуулахад, жүжигчин И Бён Хун “Concrete Utopia” (2023) киноноос хойш хоёр жилийн…
Монголын орчин үеийн каллиграфчдын холбооноос жил бүр уламжлал болгон зохион байгуулдаг “Шинэ цас-2025” үзэсгэлэн өнгөрсөн баасан гараг /2025.02.14/-т нээлээ. Мэргэжлийн, урлагийн өндөр түвшинд зохион байгуулж, графикийн урлаг, ялангуяа үсгийн урлаг, шрифтийн урлагийн хэм хэмжээ, шалгуураар шилдэг бүтээлийг тодруулдгаараа өвөрмөц тус үзэсгэлэнг 2007 онд анх каллиграфын их мастер Д.Баттөмөр санаачилж байжээ. Энэ удаагийн үзэсгэлэнд 37 уран бүтээлчийн 60 гаруй бүтээл ирснээс шилдэг 25 бүтээлийг шалгаруулан үзэгчдэд толилуулж байна. “Шинэ цас-2025” үзэсгэлэнд оролцогчид монгол цаасны хэмжээг баримтлан, цаасыг болгож наах аргаар бүтээсэн цаасан дээр бүтээлээ туурвисан нь онцлогтой ажээ. Монгол цаасны хэмээж буй хэмжээ нь 53х76 см бөгөөд үүнийг каллиграфын их мастер Т.Жамьянсүрэн…
75 удаагийн Берлиний кино наадмын нээлтийн ёслол алдарт Берлинале ордны өмнөх Потсдамер-плац талбайд өнгөрсөн баасан гараг /2025.02.14/-т боллоо. Наадмын гол шагнал болох “Алтан баавгай” болон “Мөнгөн баавгай”-н төлөө Ричард Линклейтерийн “Blue Moon”, Мишель Франкогийн “Dreams”, Раду Жудегийн ” Kontinental ’25”, Мэри Бронштейний ” If I Had Legs I’d Kick You” зэрэг нийт 19 кино өрсөлдөж байна. Шагналын эздийг хоёрдугаар сарын 22-нд буюу наадмын хаалтын үеэр зарлана.
Энэ оны Берлиний кино наадам Германы найруулагч Том Тыкверын “Das Licht” киногоор нээлтээ хийлээ. Гол дүрд нь Ларс Эйдингер, Николетт Кребиц нар тоглосон энэхүү кинонд халуун дулаан уур амьсгалгүй болсон нэгэн гэр бүлийн амьдралыг Сириэс ирсэн нэгэн нууцлаг гэрийн үйлчлэгч үндсээр нь өөрчилж байгаа тухай өгүүлдэг. Найруулагчийн хувьд сүүлийн есөн жилд анх удаа бүрэн хэмжээний кино бүтээсэн нь энэ юм. 75 удаагийн Берлиний кино наадмын нээлтийн ёслол алдарт Берлинале ордны өмнөх Потсдамер-плац талбайд өнгөрсөн баасан гараг /2025.02.14/-т болжээ. Ёслолыг жүжигчин, телевизийн хөтлөгч Дезире Нозбуш хөтөлсөн байна. Наадмын гол шагнал болох “Алтан баавгай” болон “Мөнгөн баавгай”-н төлөө Ричард Линклейтерийн “Blue Moon”,…
“Хувьсал” продашныхан “Аминч” уран сайхны киногоо ирэх гуравдугаар сарын 5-наас үзэгчдийн хүртээл болгоно. Энэхүү кино нь тус продакшны дэлгэцийн ес дэх уран бүтээл аж. Энэ удаа “Хувьсал” продакшны энэхүү уран бүтээлийн зохиолч, найруулагчаар залуу уран бүтээлч Г.Бямбасүрэн ажилласнаараа онцлог. Г.Бямбасүрэн нь “Сити” их сургуулийн хөгжимт жүжгийн ангийг жүжигчний мэргэжлээр төгссөн бөгөөд 2010 оноос “Хувьсал” продакшнд ажиллаж буй. Тус продакшны арын албанаас ажлын гараагаа эхэлсэн эл бүсгүй өнгөрсөн хугацаанд “Зүрхээр наадагч”, “Атганд үлдсэн эрдэнэ”, “Миний нууц” кинонд нэгдүгээр найруулагчаар, “Тооцоогүй тоглоом” киноны гол дүрд жүжигчнээр, “Хайр” жүжигт туслах найруулагч, жүжигчнээр, мөн “Тэнгэрээс буусан од”, “Ноён эмэгтэй” кинонд зохиолч, нэгдүгээр найруулагч, түүнчлэн…